今日都係成12點幾先走起身，之後擦牙洗面加洗頭，
1點半到搞野去街，今日我地係約左去apm度睇戲既...
老公話個度冇個魔幻王國睇，就轉左去荷里活睇，
之後打俾黃詠欣，佢話唔去睇喎...豈有此理你(放我飛機)
不過算啦︿我唔怪你的。之後阿岑又跟左黃詠欣去旺角唱K。
我就同左老公仔，廖傑，阿坤同埋基哥去荷里活度睇魔幻王國。
套野都幾好睇...不過開頭有D悶悶地，之後都OK既!!!
睇完戲我地就去左觀塘度行街，行左成2個鐘到啦，
之後我地又去左旺角，佢地大多數都係睇男仔野，
因為成班都係男仔，得我一個女仔...不過冇所謂啦，
睇下男裝都好既...(第時可以買衫俾老公仔著)
之後行到成十點到就去食野，我地走左去食車仔麵，
之後食完野就走人，我同老公仔就去行陣旺中行..
而其他人就去行波鞋街...
我同老公仔行到11點到就返屋企啦，我要老公仔搭BUS呀
 。
咁我地就去搵1號BUS STOP LA...行左都好耐下先搵到呀!!
之後我地又要花左成10分鐘先等到車來....上到車勁多人...
將我同老公迫埋一舊，嘻....開心死我啦，我地就係咁攬到返總站...
唔知點解好似好快到車站咁....我心諗希望唔好咁快到呀...
唉....最唔想個D就要發生...宜家好鬼鍾意同老公迫巴士呀!!!
返到屋企成個人散曬...隻腳又攰呀....
好想快D到聽日...咁又可以見到老公仔啦!!!(唔知佢會唔會見厭左我呢??>.<)
希望唔會啦!!
今日成日都好開心...最開心就同老公仔迫BUS!!
| 
