今朝又訓唔到，８點訓１０點俾啊媽叫起身！
之後係張床到ｌｏｏｋ到１０：３０起身整野出門口！
１１點出門口搭車去新世紀試工，我早左少少去到！
行入去個陣都幾驚，好驚多ｄ人唔夾同做錯野！
點知入到去又唔係喎，個個都好ｌｉｋｅ！
唔覺唔覺就做左３個鐘，可能多人啦，我都唔覺得辛苦！
冇咩野做既，個個都企係到傾計，佢地叫我放工個時我都唔願走，同佢地好好傾！
之後我見有時間咪係個到行下，睇下有咩買俾你地做生日禮物囉！但又係無收穫．．．
因為唔想行所以我就搭番車去兆康再轉番輕鐵去元朗再試第２份！
哈，原來係個到做野個女仔又係住良景！同佢都好多野講！
但佢就黎唔做啦，到時就會得番我自己１個開舖收舖，我驚自己唔得！
我又覺得ｅ到少錢喎，但就幾自由，自己１個做晒唔洗理人！
老板又幾日先黎１次！到時就好似係我開咁！
自己鐘意睇咩書同碟都可以睇同扲番屋企，真係唔錯！但我驚自己唔得！
佢又唔俾我請假，佢話我請假就冇人開舖！咁我咪讀唔到展翅囉！不過都係到時先算啦！
本來聽日仲要番東海堂但ｅ到咁睇得起我就做ｅ到啦！