返了這份工兩天，今天放假了．這份工作福利真不錯”差不多工作２天就放假１天
但對我黎講真的１０萬個辛苦，全因我隻腳太細對著唔到個Ｄ返工鞋”
個Ｄ鞋跟本就無我碼．我又要著．最後都係買左之後加Ｄ鞋墊入去．不過跟本就唔岩點會企得舒服”
仲要１１個鐘，計埋起身整野搭車．１日無左１４個鐘”
Ｄ人就有好有唔好，不過個個都大過我，Ｄ女人唔肯教我野咁樣．
但老公教我返工係搵錢，唔係搵人傾計．所以我都叫要自己捱過去”
第１日放工搭車返屋企個Ｄ真係差Ｄ喊左出黎”我都唔知道自己做咩會想喊”
大概係隻腳太痛，累我捱到架．不過痛我真係覺得好辛苦”
之前係鴻福堂個到Ｄ人年紀差唔多．學野都係慢慢學．仲有好多人教
不過呢到岩岩相反，Ｄ人好似唔想理我咁””感覺好差．咁樣我點樣可以係到做長工？
但我又唔想無錢．．．因為我唔想老公咁辛苦，我好想有份俾錢呢個家．就算少少我都想俾到”
我又想俾家用媽咪．仲有我既卡數．電話費．鞋．同埋ＢＢ　Ｄ小食”
呢Ｄ全部都係錢．．．到底呢份工我可以捱到幾時””
琴晚我真係無諗過老公你會黎接我．仲要等左我幾個鐘．聽日一朝早仲要返工
我真係好感動，點解老公會對我咁好？
我以後一定要聽晒老公話，做個好老婆．．．