今日上班”哈．．．今日早左起身，整晒野係屋企ｈｅａ左陣
宜家好似好少時間係屋企，１返到屋企過１陣就訓覺”
好多想做既野想左好耐都未做，神．請給我多１點時間．．．哈哈
之後搭車返工，扲野俾ｃｈｅｒｒｙ，扲到我死死下！
不過返到公司見到佢咁開心的樣子，感覺上真係咩都辛苦都唔記得！
ｃｈｅｒｒｙ仲話俾番錢我，哈．．．傻的傻的，朋友丫嗎
今日又好遲先返貨，返到公司換好衫就要幫手汁貨．．．
今日仲返左”南瓜甘露．啊英１人俾１杯叫我地試飲，飲到個個都變晒樣，笑到我丫．哈哈
汁汁汁，汁完返早的去食飯，我睇下個鐘．．．姐係３點半同唔到啊文食！
到佢地返黎，我地食就５個１齊食ｌｕｎｃｈ”
＞＜”俾餐廳ｄ男仔笑我污糟貓，真衰！我都唔想，都怪我太勤力件衫先有咁既成果．哈
食完返去，我同ｃｈｅｒｒｙ，ｋａｒｅｎ，ｋａｍａｎ４個１齊發神經唔記得打卡．哈
過左好耐啊英問我地，我地４個先記得．好彩啊英幫我地改姐！ｔｈａｎｋ
之後開會，哈．．．我們又比讚了，多謝！哈哈
之後６，７，８點又打仗了，好忙好忙”＊
我仲忙到連自己整親隻手都唔知，到我見到俾客ｄ湯包上面有血，再望下自己隻手先知，哈哈哈．．．
不過因為太忙的關係，我無時間理會．．．打完仗後再理，發現個傷口都幾深下，難怪可以咁痛”＊
之後汁返好ｄ野，發現周圍都係我ｄ血，雪櫃，ｋａｒｅｎ件衫．．．哈哈”好攪笑
換左２次膠布，血終於都停，實左太好．
都係因為整親的關係，今晚我可以唔做洗野位，也實左太好”哈
不過到宜家我連自己幾時，係邊到整親都唔知．哈
１０點要教新人了，１０點半要同ｃｈｅｒｒｙ洗龜鑪．哈．．．
要我地２個台去廁所洗，因為太重又太滿既關係，我地行２步又停１停，行多２步又倒潟要拖番個地
本來去廁所既１分鐘路程，我地足足用左１０陪既時間”＊
去到入閘個位，個閘因為我地不段地響（因為張卡只可１人入閘，
我地要台個龜鑪過閘，就不段係到出出入入）終於都吸引到個清潔啊姐注意
之後個啊姐過左黎幫我地手，哈．．．ｔｈａｎｋ，個啊姐真係好大力！
係ｅ１０分鐘我同ｃｈｅｒｒｙ不段地笑，笑到我地肚痛”行２步就要停低拖地
整好之後返到去，啊英同ｋａｒｅｎ又係咁笑我地”真衰，哈
之後就夠鐘洗銅剛，點知佢地唔記得１０點半熄鑪，洗個時熱到我啊媽都唔認得！
＞＜”我已經得１隻手洗嫁啦，仲要咁熱，真可憐
洗完，就收鋪前幾分鐘，又ｓｅｌｌ到２套現金卷，啊英讚我．哈
放工返屋企，家姐買左好多壽司，哈．．．好好味，多謝家姐！
下次等我請番你去元朗食啦．．．
今天返工雖然整親，不過真的很好開心．．．日日都可以咁就好喇！
ｌｏｖｅ ｙｏｕ ａｌｌ ^３^
|
