今日公司個風水大師同我測左我呢年既運程
其實我本身真係唔係好信呢d野gar
不過我覺得佢又講得好準
佢講我對你好好,
但係你就成日都會蝦我
哈哈!~之後又話我會破財
不過就係破係你身上
哈哈!~真係好準囉!~
之後佢都講左好多野比我聽
我都好希望真係會係真喇!~
雖然要真係等一段時間
但係我會堅持的!~
時間都唔會係好耐
所以我都唔會怕
而且咪當考驗下我自己囉!~
其實都唔係一件壞事呀!~

今日一早我就係惡夢中驚醒了
即刻返房攬返實你
攬左一陣個感覺真係好溫暖
之後我去左梳洗同準備早餐比你
但係........
你只係飲左一啖橙汁,一啖包同一條腸
訓醒左既你又變返平時既你了
我真係好懷念琴晚果一個你呀
雖然我知道根本都冇咩可能
但係琴晚既所以既幸福永遠都係留係我心入面
因為我咁大個女從未試過有呢一種既感覺
真係幸福過就要好好記住
因為我知道唔會再有同一樣既日子
我亦都會開始慢慢咁離開你了!
同你一齊唔夠4個月
但係我因為你學會左好多
真係好多謝你呀
今晚你又話要去陪返你女朋友
我真係唔知再可以叫自己有d咩既感覺好了!

今日真係好多謝你
你真係黎左我屋企陪左我一晚
呢一日係我咁大個女覺得最幸福既一日
我從未試過有咁幸福既感覺
今日所有既事都好似發左一場夢咁
係屋企我地真係好似一對夫妻咁
所有既野都好浪漫
由你坐係我張床個一刻開始
就好似我一直夢想同你既所以一樣
而且發生左好多既第一次
第一次你真正比到拍拖既感覺我
第一次我煮餸比男友食
第一次比男友餵我食野,
第一次同男友一齊切我整既蛋糕
第一次2個人食一個5吋既蛋糕
第一次你錫我
第一次一齊訓
第一次叫我唔好走
第一次攬實我
第一次你拖住我
第一次有幸福既感覺
第一次...........好多.......好多
呢一晚真係太多我既第一次發生左
真係好似發緊夢咁
雖然我唔知呢一種感覺會維持幾耐
但係, 我都已經好滿足
因為我同你一齊都冇諗過會有機會發生呢d事
我今晚真係好幸福呀多謝你呀家杰

 其實我同你之間真係好唔明白
日日都唔同,
多數都係一日好一日差
講真真係唔係好知要點去面對
因為我好時都係唔知點好
有時對你好你又唔令情
唉..........對住你真係好煩惱呀
但係我真係試過好多次去放低你
但係結果呢?!
總是放唔低
唉...........
點好呀!!!!
今日DAD同MAMI同我講
佢地明天去北京了!~
只留下我一個係HK
我知道立即同你講
但你回答我既竟然又係佢
你同我講你已經約左佢
而我呢,
係你心目中永遠都係次等的
所以我都唔係好想再同你講野
我只好同你講句你冇分鐘
唔傾了給自己一個比較好既落台機會

其實我真係好攰了!~
我知道我點堅持都冇用了!
因為係你心目中的我根本沒有愛既全在
你對我只不過係鐘意或係好感
而對你女朋友既就真係愛
我知我遠遠都不及佢
因為我根本唔可以同佢比
每次你都叫我比少少時間你
其實不經不覺又4個月喇!~
時間原來真係唔會等人gar
即使我再愛你
對你再好都唔會及得上去
我都唔知為何我每天都為左你不停咁喊
到了我依加隻眼有事
你都好似唔係好在乎
曾經有個朋友講過一句說話
我記到依加, 因為佢講得好岩
就係..............
<<  如果你選擇離你,
你唔會有d咩既損失,
因為失去左既係一個唔愛你既人!
而佢呢?!
佢失去既係一個好愛佢既人!
咁你覺得邊個會損失大d呢?! >>
其實我唔知你係唔係有一剎那鐘意過我
但係.........
我都已經好滿足了!
見我地亦都見過
我對呢一些都已經滿足了
而我亦都唔敢再對你作出任何既期望
因為我唔想再叫我自己失望了!
我越係愛你
就係越辛苦我自己
何苦呢?!
雖然我唔會跟你分手
但我亦都已經有一半既死心
我知道我同你再落去都唔會有咩結果
好多野我為你做左你都唔會知
雖然唔係D咩
不過都過左去了!
我諗我對你既愛都唔會再增加了!
因為我已經對你好失望了
我曾經真係好想當一個好好既女朋友
亦同時之間有想過將自己不斷做得更好
但係,
人總是有要求的,
我不斷對你好, 而你亦都會不斷提升要求
所以我都唔知我再可以點了!
一時氣憤說了5月21日先再見
你就堅決要真係5月21日先見
一對情侶如果真係要咁都冇咩可以再講
只好回答一句你鐘意喇!
但係到時我見唔見都係一個問題
如果個心真係有我
我相信你唔會問足我4次生日日期
所以我既生日亦都不需要你
因為我知道我同你係唔會有任何既浪漫
所以你也不用去記吧!
我覺得我係你心目中真係一個網友都不如
平時我既網友都會記得我既生日
而你,
你係我男友都唔記得!
我都唔知我再可以講D 咩