愛你是我一輩子的承諾
只為我愛你
或許你成日都覺得我為你付出咁多真係好傻
但係我唔介意為係付出一切
雖然你覺得一D都唔值得對你咁好
但係...係我心目中為係付出幾多都冇所謂
因為我真係好鐘意你
雖然我知道我同你係唔會有將來,
但我都希望我同你既日子可以符長久
其實自己真係好矛盾,
因為知道自己係第三者
好多野都唔可以去做
而且同你一齊真係越來越少安全感
令我既空間大左好多
所以同時間我亂諗野既空間亦都同時相對地增加
我真係唔希望我再會咁樣,
因為我唔係你睇得我表面咁堅強
其實好多時候我自己一個都會喊
因為同你一齊既壓力真係好大
但係我知道我唔可以係你面前喊出黎
因為我怕你會擔心我!
所以我經常都將自己收埋!

今日家杰叫左我起身,
真係好開心呀,
今日係你第一次叫我起身呀!
真係覺得自己好幸福呀!
雖然上一個星期你真係對我好冷淡,
但係我深信,
今個星期係一個好既開始
好既野就唔好比佢停喇!
我知我真係好冇用,
琴日又對住你喊,
不過我發現左我越來越鐘意對住你撒嬌
因為你會好鍚我的,
所以有時覺得自己真係好似一隻小花貓呀!
哈哈!~雖然依加既我已經冇諗結婚,
但係我都希望我地永遠都會咁幸福

今日好攰呀!~
我一早6:30am就起左身去做社會服務令,
所以冇叫唔到你起身!~
呢排個人真係好攰,
不過整好野所有野我就去左同表弟行朗豪坊,
行左幾個鐘,
收獲唔係叫做好多,
但我去到一問舖頭就好不自覺地買下了一塊木板
之後上名再加上永遠記得21號
係等我今個月連同呢一個日網一同送比你GAR!
因為我希望你永遠都會記得每月既21日係我同你一齊既日子
雖然唔知我地既愛會有幾長久,
但係我都真係好想每月既21日都可以同你好SWEET咁過!
雖然你變得對我好冷淡,
但我會努力改進!
亦同時
希望我既努力
   會得到你既認同

今日我加左人工, 由四千加到四千五
第一個就係同你講
雖然唔係加左好多但係我真係好想同你分享我既喜悅
你知唔知呀!~但係....你好似冇咩反應咁,
其實我發覺左你自上次去完賭錢,
三日冇搵我之後你成個人都變左好多,
其實係唔係我做錯左D咩,
但係已經一個星期你都係咁對我,
所以我係呢幾日諗左好多野,
雖然唔知係唔係我一直都做得唔好,
定係你真係太忙呢?!
不過點都好喇,
我諗我忍到的, 雖然你真係對我唔同左
不過我相信係短期性的,
或許你想試下我係唔係同你認真喇!~
但係........
你越咁對我, 我就越多左機會亂諗野
唉...........
我知你唔鐘意我呢一種女仔,
所以我都有諗過唔會見你,
做你既掛名女友可能對你會好D
因為我知道如果要我瘦係需要一段幾長既時間,
雖然我依加係有為左你去減,
但係我真係唔太想見喇,
因為我真係對我自己冇咩信心,
雖然我真係好想同你好似一對正常既情侶般拍拖,
但係我知道我同你係冇呢個機會,
因為我係一個又肥又唔靚又唔好既第三者
所以我更加冇權去決定任何野,
雖然我真係好想可以同你結婚,
不過我自己知自己事喇,
我根本就親你唔起,我地好好打消呢一個念頭

今日係成日都好多單,
成個人都好攰,完全冇時間陪我,
不過我一d都冇嬲你唔陪我,
而且知你今日都唔係好開心,
因為你老闆唔加你人工,
你嬲到打比我同我講,
個感覺真係好似d小朋友跟老師投訴咁,
但係你真係好可愛呀!~
雖然........
我同你真係唔知可能到幾時,
但係我個心真係有好多野好想講比你知
但係又諗唔到要講咩,
真係好傻呀!~