今日係我既“自閉日”
一訓醒就唔出聲~
呀媽一度以為我發脾氣,不停咁挑引我
車....我唔出聲姐,使唔使咁“佬嘈”
好彩黃昏時期,我叫做〝正常返”
因我識笑返...(睇左我們這一家)
睇落...我覺得套野同我屋企似到十足十
因花師奶(我呀媽)真係好偏心阿吉(肥堅堅)
有咩好野食都一定係肥堅先既...
次次我買野食,佢都一定會講:「留返D比細佬呀!」
=.=車...肥堅有邊次有留返D野食比我?
成日呀仔呀仔咁...有咁事實係第一時間叫我搞點架喎~
有時真係想講:「仔仔仔...成日都仔仔聲,仔大晒呀!」
晚上出左街食飯~
食食下飯花先生口裏面塊豬排
突然掉左下來~
我地即刻講:「哇!!塊豬排返生呀!!」
食完飯,陪左花師奶去買衫...
本來都無留意自己既衣著,因只係落樓食飯...
但行過塊鏡...=.=出事啦~
鏡中的我著住件超大件既上衣,下身著住條中腳褲
著拖鞋,無紮頭髮...身上仲咩著呀媽果“斜咩袋”
加上自己既“娃娃臉”...
嘩...里個小妹妹係Who?
鏡中既我十足十一個十幾歲小妹妹
=.=...我咁著,相信未踏入「遊戲機中心」...
就比人趕出來...
不過咁又有好處~就係無帶身份証
警察叔叔一定唔會查身份証...
因佢地覺得我“唔夠秤”
哈...自己有娃娃臉...
係好事定壞事呢?
＊＊＊＊＊
沒有人會天天說「我愛你」
但並不代表他不愛...
|
