| «‹ July 2013 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2008 年 3 月 30 日 星期日  |
| 自閉日’... |
分類: 未分類 |
今日係我既“自閉日”
一訓醒就唔出聲~
呀媽一度以為我發脾氣,不停咁挑引我
車....我唔出聲姐,使唔使咁“佬嘈”
好彩黃昏時期,我叫做〝正常返”
因我識笑返...(睇左我們這一家)
睇落...我覺得套野同我屋企似到十足十
因花師奶(我呀媽)真係好偏心阿吉(肥堅堅)
有咩好野食都一定係肥堅先既...
次次我買野食,佢都一定會講:「留返D比細佬呀!」
=.=車...肥堅有邊次有留返D野食比我?
成日呀仔呀仔咁...有咁事實係第一時間叫我搞點架喎~
有時真係想講:「仔仔仔...成日都仔仔聲,仔大晒呀!」
晚上出左街食飯~
食食下飯花先生口裏面塊豬排
突然掉左下來~
我地即刻講:「哇!!塊豬排返生呀!!」
食完飯,陪左花師奶去買衫...
本來都無留意自己既衣著,因只係落樓食飯...
但行過塊鏡...=.=出事啦~
鏡中的我著住件超大件既上衣,下身著住條中腳褲
著拖鞋,無紮頭髮...身上仲咩著呀媽果“斜咩袋”
加上自己既“娃娃臉”...
嘩...里個小妹妹係Who?
鏡中既我十足十一個十幾歲小妹妹
=.=...我咁著,相信未踏入「遊戲機中心」...
就比人趕出來...
不過咁又有好處~就係無帶身份証
警察叔叔一定唔會查身份証...
因佢地覺得我“唔夠秤”
哈...自己有娃娃臉...
係好事定壞事呢?
＊＊＊＊＊
沒有人會天天說「我愛你」
但並不代表他不愛...
|
| 2008 年 3 月 28 日 星期五 |
| 護膚.... |
分類: 未分類 |
今日係死刑前第3日~
今日我去左呀姨屋企...教人做功課=.=
唉...果細佬,講東佢就做西...
真係比佢玩死TWT
但見到佢果Cute樣...
又嬲唔落...
嗚....我自己既功課都未搞點
算...我打算唔溫書啦
突然覺得自己好唔乖=w=
但我都唔想架..TOT
唉....只好聽天由命啦~
我覺得D大人真係好重視自己D皮膚...
因我呀姨屋企有好多護膚產品
眼霜、護手液、爽膚水.....
佢重教我護膚,同介紹D護膚品...
想唔到既係...朱古力竟然可以做面膜...
嘩...佩服...
＊＊＊＊＊＊
沒有人可以令我做一些我不喜歡的事!!
我是屬於自己的....
|
| 2008 年 3 月 27 日 星期四 |
| 任食壽司記~ |
分類: 未分類 |
今日係死刑前第四曰~
本來乖乖既我應該係屋企開始做“最後沖次”
但一個電話改變左我...=.=
花子打比我,問我出唔出去
我唸左一陣,問佢去邊...
佢話:「我地去食壽司囉~」
「壽司...我無錢喎...=.=(我真係誠實)」
「唔使好多錢架,$42任食」
佢終於出「殺手鹼」啦
「嗯...邊到?」
「堔水步?咁遠...」
佢話平喎...我唸左又唸,跟住望住D功課...
算....遲D先做~
跟住我地出左去堔水步食壽司...
食完壽司...
本來我地唸住返屋企...
但我又唔想走,咁難得出得來(我太唔乖啦=.=)
然後我地去左影貼紙相
哈...表情超好笑~
最後,佢話聽日去唱K..=w=
唉...我真係無錢呀...
嗚...$w$
＊＊＊＊
下次帶埋Suki等人一齊去先~
|
| 2008 年 3 月 24 日 星期一 |
| 大戰三文魚.. |
分類: 未分類 |
今日係複習既一日~
本來約左一大班人去玩滾軸溜冰
但...一個話唔得閒...
兩個話有野做...
三個話呀媽唔比
四個話無興趣...
五個話唔想去...
推下唔見一個,推下唔見一個...
最後得返我同Suki...=.=
一出到去,搞到我都無“没”
然後我就打比花師奶返唔返大陸...
佢話返...(終於可以唔使發“毛”啦)
我同Suki講我要返大陸
佢既反應好可怕
啤住我(好驚呀TwTlll)
仲爆粗...好激動呀
鬧晒全部人
嗚....
然後我地就各自返屋企
返到屋企花師奶又話唔返大陸~
嘩!!!我又被人玩啦!!!
跟住我上MSN見到Suki
add佢,講比佢知花師奶話唔返大陸lu~
我又比人鬧...
唉...慘...
跟住佢話“咁你出唔出?”
我馬上答“出”
我地兩個一齊去玩溜冰
哈...兩個人玩都有兩個玩既樂趣...
我地發現左個溜冰高手,仲要係令仔
呵...發現寶物...(講笑...)
無男仔一齊來又幾好喎~(突然有里種唸法)
溜到咁上下
我地去左元綠食野
嘩...果度靜到....
不過都好...我同Suki可以“杉桌腳”
今日我覺得Suki好得人驚..
因為佢前晚 & 琴晚食左三文魚,
去到元綠又食三文魚,
三文魚壽司、手卷等...
跟住佢又話今晚又食三文魚
佢實行要將三文魚趕盡殺絕..=o=ll
我真係 o 左嘴...
三文魚獵人...佩服...
＊＊＊
p.s.最後Suki唔需靠某某
自己都識玩roller..
p.s.p.s.講大話...甩大牙!!
下次你出現,本小姐都會比面你!
哼... |
| 2008 年 3 月 23 日 星期日 |
| 奇趣~ |
分類: 未分類 |
今日又係一日既無聊既一日
我竟然無聊到玩起“煮飯仔“(真係有火果D=.=)
平時唔多入廚房既我
竟然走左入去煮麵食=.=我仲要煮埋我呀媽果份
花師奶一放工返來睇到我係度煮緊野
佢好驁訝,好似有颱風來咁樣...
因我係十年都唔煮飯果D
玩玩下...No....係煮煮下
煮到興起...突然覺得又幾好玩喎~
煮下煮下,我唸D野...
就係我唔記得落油、鹽 =o=ll
好彩都救返D麵
最後自己開餐lu~
一食...
嗯........嘩......
好好味呀ToT
拍得我呀媽煮既
估唔到咁好食><好感動呀~
咁證明我都可以煮得好好味,不過我唔like煮姐~
＊＊＊＊
人生必先定下目標,
然後不顧一切,
奮力向前-----「衝」!
里句係小学果時教我田徑既阿Sir寫比我既
果時我真係好鐘意跑步,但....
宜家...光陰不再....
我欣賞以前有傻勁既自己
但人大左,童真可否同存? |
« | 6 | 7 | 8 | 9 | 10 | 11 | 12 | 13 | 14 | 15 | ... | 18 | »
|
