我真係好好采呀~琴日同前日都見到有人著住Loita(娃娃裝)出街呀~

心情極之好!!我自從之前係電視見到有人著Loita(娃娃裝),我就已經好想親眼見到架啦~

前日我係夜晚同屋企人去屯門食飯..之後話住搭車...點知咁好采比我見到有一對情侶

著住Loita....佢地手拖住手一齊過馬路..件衫一樣係黑白色...我估女仔著住果件

都要幾萬蚊..佢地真係幾肯洗錢下喎...我聽我同學話買對鞋都要幾千蚊啦..

除非太鐘意啦,如果我都唔會買黎著,實在太過貴啦~冇咁多錢~哈哈~如果果陣

我有相機架話,我可能真係行過去幫佢地影返幾張相都唔定架

今個禮拜五又去返小學探老師啦~上次係天秀落車,見到間學校,但係又唔知點過去

(因為下午校搬左間新校...轉左全日制)後尾老師同我地講其實係天悅站都落得車~

激鬼死我地呀~攪到我地行左咁耐~ 所以經過上次既教訓,我係唔會再出錯~

以前d老師見返我地都嚇左一跳~哈哈~見返d師弟妹好有歸屬感~

加多一句:we love  6c  forever  !! forever friends  !!

好似講左好多次啦~

  我今日唔想寫其他野住...我想講下感覺...

我有一日係一個論壇入面見到一個日記網,我禁左黎睇下..雖然個日記網設計得

好普通..冇背景,冇歌,冇閃字..真係好普遍..但係果男仔寫既日記內容吸引住我睇落去...

佢差唔多全部都係寫一個女仔,我順便係到提下..希望佢唔介意啦..

佢暗戀緊一個成日著白鞋既女仔..果男仔每日係天水圍果西鐵站到偷偷地望住個女仔..

都好似已經暗戀左超過一百日啦....但係佢覺得自己唔靚仔,冇膽同佢表白..

我幾次想發火,係因為我覺得佢日日寫個女仔既野,但係佢又唔敢向佢表白..

唔通佢一世都係咁咩??真係有d睇唔過眼..「你日日咁望住人,又唔夠膽向人表白,

佢鬼會知你想點咩?你咁做,佢可能驚左你潻啦!!」講真,我都想幫下佢地,但係

又唔知點幫....

今年既生日我過得好開心呀^^好多朋友仔都對我好好~呵呵~多謝你地呀~

Forover Friends ~我地6c &我地1B 友誼永固~感情比以前更好~~