今日返學睇注格94A(車)走,我見到格94A好象係去華富好象又唔係,

想上車又走咗,我就坐98去香港仔換車,坐小巴,見到XX怡,

到學校就一起上課室。

今日唔洗罰留堂,因為明天要換令一個老師,

中、英、數都要換老師。

小息我同XX怡一起去小食部,我今日帶咗10蚊,不果我要留返放學買搞子食,

XX怡就買咗4個50半的燒買(5粒),佢請咗我食2粒,我話明天請返佢食,

D人話小食部D野食好貴,我就唔覺貴啦!

12點幾先放學,又同今蕉一樣睇注格車走,哈哈!!

去到利東街市,無搞子買,

媽叫我幫佢買鹽,我話唔買,我都有幫佢買鹽,

同買咗一包大的童星點心麵,就返家,

媽包緊搞子,街市D搞子好食D,D皮厚D,

食完野,睇咗一陣電視,覺得好眼訓,

就睡咗一陣,3點幾睡到8點,媽叫我起床食晚飯,

我仲係好眼訓,一起身洗完面就食飯,

食完飯就做功課啦!10:50去洗澡,洗完澡就睡覺啦,

唔知訓唔訓到呢?應該訓到。