今日冇咩精神,因為尋日好夜訓...

今日見唔到我可愛既枝枝老師,好掛住佢...

數學堂同電腦堂調左,可惡既劉定堅,搞到我見唔到我可愛既枝枝老師...

第一堂之前問人借到生果,多謝佑和兄!!!

之後就到生果堂,食生果啦,好快就食晒,再睇下劉憲麟用神技斬橙,斬到個橙蓋出黎,笑死我...

英文堂都唔記得左做左D咩...

頭芳老師堂,悶悶悶悶悶悶悶,仲要做大字,chinese opera never die!!!

生物堂睇片,我以後都唔食牛丸,我請你食啦!!!

中午係學校食飯,因為要練走籃...

狂比大倩打,仲差d比佢打中重要部位...

本身都唔知,佢仲要笑笑口咁同我講,我差d打中你戈度...

下午體育堂,跑到好high,其實跑下都唔錯...

物理堂d野好似好易,唔多想聽...

閱讀堂練歌,我感覺到我地班有進步...

之後去左打波,打到好倦...

打完同菊花明同肥亨走,菊花明扮潮童,買兩個m記手握雪糕周街食,笑死我...

番到屋企,又係無所事事過日晨既時候啦...

今日不設最後一段...