丘醫生還幫我安排接受磁力共震及正電子等掃瞄，以確定癌細胞有否擴散到身體其他位置。2007年3月6日經過了連串掃瞄後，知道癌細胞沒有擴散至頸以下的部位，但是除了鼻咽內的細小腫瘤外，就有幾個癌腫瘤經淋巴轉移至頸及鎖骨位置，所以甘醫生就確定我得到的鼻咽癌係Stage IVB，即第四期。不過都仲有六成機會醫番好。嘩！唔係啩？六成？咁係咪即係好易死，忽然間感覺到死亡同我好接近。諗落自己唔似咁短命啩? 個陣個心好寒同跳得好利害，好似快要跳咗出來，呢次就好驚但係都無喊。反而我旁邊嗰個要醫生安慰。