我討厭錢
我憎死錢呢樣野
一種淨係識發出腥臭味既野
見到就想燒q左佢
對於依家既人黎講錢係咪真係冇左唔得, 為錢死都抵
今朝返學校練波
我本來冇野
連之前兩次出現既唔舒服都冇
係就係熱, 但係今日練既野都唔算辛苦
10點幾到練單手傳波
要起碼傳到半場遠
結果我點呀? 篤魚蛋篤到左手食指第2節瘀到唔知咩事囉!
我話想敷冰, 結果就同我講"篤魚蛋好小事姐, 用右手鍊住隻手指就冇咩事架喇"
咁又點? 整完之後我仲係痛到唔知咩事
我隻手指痛完之後完全淨係覺得好痺好辛苦
我就係覺得有需要先至會同佢講話要敷冰 結果我冇敷到 隻手指好痛
我一路練波一路死撐囉
好喇, 返到黎, 料理店d人就淨係識同我講睇醫生照X光點點點
又話驚骨折驚乜乜乜
我知呀, 比著我我都會去照以防萬一, 我有錢既話我晨早睇左啦! 我仲使佢地講!
我點解仲要咁樣忍落去
我隻手指仲算能屈能伸, 屈個陣最多仲係有D痺
但係我冇咩事, 起碼我覺得係
係呢個時候冇人CARE我, 某人整到我跟住仲要同我講笑
& THEN仲要好唔份氣咁話"講下笑都唔得"
我係唔講得笑既人呢樣野N年都唔會變, 雖然我真係經常性太認真
但係係我心情差個陣同我講笑, 我唔兜巴星佢上天我真係叫好人
係咪你地真係當我鐵人?
我都有跌低既時候
但係你地視若無睹, 唔該個D所謂我既好朋友, 得閒多D"關心"下我
冇事個陣ae都唔ae下, 有事就急急腳搵我幫手, 我真係好想問候你地一句what the hell!
原來朋友係咁, 真係好笑.
呀媽叫我退出唔好再練, 我都想
但係唔受過傷點得, 一味保護我冇用
我唔使你地關心, 多謝.
手指骨折斷骨乜都好, 有乜q事你地都唔好同我講野.
|
