4月就咁熱 真係折墮!
唔想住係地球-.- 科學家們 快D搵個咩好地方 等我搬去個度住...
見到依家呢個世界 已經唔想再睇落去
因為D人既私心, 慾望, 搞到個世界變到咁
貪好玩呀? 諗住未死過 想試死既滋味?
正如laruku首「虹」所講
「少年は人の影に歪んだ憎しみを見た」
そんな世界なんてもう何も見たくないよ
「少年看到了因憎恨而扭曲的人影」
這樣的世界我已徹底不願再看下去
-.- 唔講D咁掃興既野喇
今朝...真係好神奇!
我同平時一樣7點4出門口
奇蹟咁7點7就已經返到學校!
嘩! 真係感謝主~
之後照舊 係小食部訂飯 + 買早餐
Kary同我寫緊紙個陣見到倪老師= =
跟住.... 我都唔知點講好囧 其實已經冇野好講orz
morning assembly之後 有幾分鐘淨左
問Miss Ko一條勁爛既IQ題= =
係超易!
俄羅斯既女仔叫俄娃, 英國既女仔叫英娃, 咁清朝既女仔叫咩呢?
- - 真係... 爛到唔爛!
當然Miss Ko答岩左啦xp
第一堂 英文 教書@@ {天音: 廢話!}
好多local food.. 好想食@v@
我好掛住雞蛋仔>_<
不過我估錯左 竟然唔係教第6課..
尋日K蚊同我傾電話 佢仲問我係咪會教第6課..囧
2, 3堂 中文
-V- 哈哈 倪老師又講佢以前細個既野比我地聽
@@! 癲娜又收左好多料啦XP
{PS: 癲娜最近好似發現左倪老師既1樣野... 係咩我唔講-_- 總之呢 算係好private啦}
4th IH
@V@ 教land use
好開心 好多問題都識答
5th PTH
想訓 = ="
因為冇咩精神咁
但係明明尋晚訓得好舒服架!! 抗議!!
6th Music
感覺我唱歌好似好左
唔通係因為連日黎不停係屋企狂唱!? (汗)
lunch 排隊排餐死
終於等到我碗麵 + 茶字典= =
原來係枝柑桔蜂蜜
但係我覺得同柑桔檸檬差唔多味咁-0-
不過我感受唔到有蜂蜜既存在咁..好似= =
之後同班長姐姐{不是Ester} + Annie + 小恩恩 + Sarah仔去幫Mr. Leung手
佢話好似玩bingo咁= =汗
呵呵 Sarah仔比人話佢反應遲鈍= =
Mr. Leung仲話請我地食野! 嘩.... 真係好人><
佢同我地一齊"玩bingo"個陣不停話我地好好人... 又係咁多謝我地= =
但係後果就係... 我地遲左去上maths堂-.-
7, 8th Maths
教coordinates真係超爽~~xp
因為好易xp
放學去paths
係返1D課室@@
呵呵 同Karin人(佢唔比我叫佢做karin蟹- -)一齊上
- -兩組併埋一齊黎上 汗
但係真係好好玩 招招都有去xp
1E既人真係好得意 哈哈
放學即刻打比媽子
但係佢忙緊 要我8點打比佢 {岩岩打左XP}
之後問Yuki{雪@0@}個家姐識唔識K蚊家姐
佢話識
呵呵 佢仲同我講 佢讀慈天!
即係1年班個陣讀黃天上午校!
笑~~~ 同我算係同一間啵@0@
跟住見到Miss Au Yeung@@ 今朝返學都見到佢(笑)
行到去小巴站 見到PP + Ruby + cheerful
哈哈 同佢地一齊去地鐵站 嘿嘿
跟住我自己一個行返屋企
魚! 去到馬路度... {其實我係學校返屋企都係要過3-5條馬路 其中1條係屋企附近}
跟住又見到永光D人- - 又係叫人返團契
我真係睬佢都傻! 上次一時蠢左 寫左自己電話比佢
跟住呢 我就個個禮拜夜晚10點幾 就黎訓著個陣就有人打電話黎嘈住我- -
所以我打死都唔接受個D所謂"訪問"喇
唔係話我抗拒呢D活動 而係我唔係好想返
一返就勾起我以前既野...
好記得之前第1次返 係笨豪家姐叫我返架...
笨豪 + 耀 + Hilda + 臭依 + 我 5個人返既
之後就.. 有次去永光堂@@ 好好玩xp
諗起葉欣倩.. 有時我返學都會撞到佢 但係佢好似唔認得我咁
個次去永光堂 佢都有返... 好掛住佢TAT 佢真係好好人
係我既大前輩! 糾察又係, 籃球都係!
之後 我地5個人去BBQ 個次都係我最後1次返去
er... 算啦算啦.... 遲d先講啦= =
再返去 我都唔知自己會點...
唔想再諗返起D傷心事
結果狂兜路先返到屋企 唉!
返到屋企 沖埋涼 嘩 - -5點半喇?!
做左9個字功課 去睇大長今- - 之後落街食飯 唔係 係買飯返屋企食
食M記 汗 我發誓一個月內都唔食喇! 我好討厭要係出面買dinner, 尤其係買m記!
我想食飯呀! 我想食媽打煮既飯... T_________T
↑此人太掛住呀媽
仲未謄完文(汗)
不過應該1個鐘會做得哂既.. 可能唔使1個鐘!
跟住我依家思考緊 今晚訓覺使唔使開冷氣
其實夜晚就唔熱既.. 但係我頭先做功課 真係熱到嘔電= =
結果無奈開左9個字囧
最近超迷Janne Da Arc既"月光花"
雖然係05年既歌 但係真係好正xp
依家聽緊Gackt既"12月的情歌" Gacchin唱中文歌呀xppp 好開心 哈哈
嘿嘿 打另一篇野先
|
