第3次去剎兒屋企@_@

今日貪得意搭巴士 哈哈
要行天橋過龍翔道
點知行緊個陣見到有架38!!
嘩.. 我心諗 今次肯定追唔到架車啦
點知我得左喎囧 其實我都唔知點解架車唔開@@

去到平田 2點1喇- -又遲到
但係唔見瑜佢地囧
唯有打比佢...囧囧
但係唔通 於是又打比Perni 冇人聽囧
唯有…等! 點知行下行下 咁就比我見到佢地 呵呵
於是就行去剎兒屋企喇~
今日算齊人喇 除左ET冇黎之外 其他齊哂!
不過瑜行行下突然聽到個電話 於是走左@_@ 原來佢去接癲娜
佢叫我地上去先@@

去到剎兒屋企.. 勁! 剎兒原來岩岩起身同刷完牙囧
之後又係玩.... 囧
3點幾先開始做野
玩既時候 真係... 電腦, NDS都齊哂 仲有呀
竟然開埋PS2! 但係出唔到畫面 唯有聽聲玩囧... 都唔知點玩!
不過好開心 原來PS2既太鼓有三枝夕夏既歌... 真係正
仲有Every Little Thing既"Grip!" 開心死

3點幾 係度整個圍牆(我指個模型)
整左之後就要上色
我真係聰明! 淨用顏料上會上唔到色
我就諗到用白膠漿同顏料溝埋一齊 (Arts堂有教架@@)
結果得左!呵呵
不過"lai"左4次野 3次係隻手 1次係件衫(淚)

5點3(好似係)走佬
瑜早走 因為佢唔記得要補習 於是拿拿聲走返去補= =
於是得返5個人(剎兒唔使走呀..)
笠笠, Vivian同Perni搭地鐵
我同癲娜都係返WTS, 既然大家都順路, 咁不如搭38啦(毆)
哈哈 佢住新光 真係好近!! 一路車過條天橋就係佢屋企
不過搭巴士搞到我6點先返到屋企(默)
跟住返屋企沖個令涼~~~ 就食飯, 睇新聞
之後一路玩到依家@@

PS::: 諗起一樣野我勁嬲- -
走個陣係商場諗住買野食 我就買包朱古力
企係度等個老細講完電話(其實係等佢收錢)
點知佢唔理我喎
我後面有個Auntie又係拎住D野 個死人老細就收佢錢先
頂! 咩事呀
個Auntie走左之後 個老細又係冇反應
後來我嬲嬲地 唔買呀! 發神經-,- 仲要等佢咁懶懶閒咁收錢
咪唔買囉! 佢都唔稀罕啦