今日其實幾美好架@@

我... 都唔知點解經常性遲出門口
媽子6點10打黎叫醒我, 我會自己較鬧鐘, 訓多5分鐘, 6:55響=_=
跟住刷牙洗面食早餐換衫梳頭.. 竟然可以搞成7個字-_-
我.... 我有時做野真係慢死

=v= 今日返學撞唔到邊個=_=
morning assembly之前 同班長姐姐佢地吹水
=,= 點知見到某位大姐(用小姐稱呼唔多岩). 佢行過黎問班長姐姐野..
跟住我, Phy同Annie就行開左少少...
我問"發生左咩事"
Annie扮下野"ae.. Crystal, 我有野唔識想問下你呀"
於是借D意, 由課室行出操場
之後Annie就開始講發生咩事..
由於佢叫我唔好講出黎, 所以我唔方便講喇...
佢講完比我聽之後, 我地就行返去課室, 見到個位大姐個樣嬲爆爆咁
講真, 好似等左呢日好耐咁

英文作文very success啦~~
如果我死係作文手上, 我唔使讀書都得喇!
-wwwwww- 兩個topic
一個係寫信, 代入角色, 講自己生日點過
一個係.. 贏左比賽, 可以同自己鐘意既明星度過一日
我其實想寫第2個, 但係諗諗下, 如果佢話要香港明星咁我點
更何況... 我完全諗唔到應該點寫-_-
如果寫第2篇, 我會寫hyde-v- 再唔係... laruku使但一個(笑)
GC好似冇咩可能(毆)
最後都係寫第1篇算... 太簡單喇因為

小息 係教員室...出面度過= =
本來想交張分紙比Miss Leung, 點知佢唔係度..
見到Miss Lee, 於是搵佢幫我比Miss Leung=v=
-v- 跟住同瑜 + Perni一齊~~
Perni要搵Miss Yeung-_-
我同瑜係度玩-v- 佢真係好可愛~~~~~~

PTH 我驚拎唔到7X/80
- - Listening都唔知究竟咩事
and then又怕寫一/不變調會錯
-_- god

放學本來去M記, 可以同狗仔一齊去食野架嘛TAT
點知媽打一個電話搞到我OOXX
佢叫我去酒樓囉...
大佬呀尋日都講好左囉 講好左話我放11點, 唔會去飲茶呀-_-
跟住依家又一個電話炸過黎算點呢
最後都係去左 無奈
放左狗仔飛機 SOR TAT
我最憎痴餐-_- 係都要我過去既-,-
不過最後都係食左野- - 唉
食完野仲要拎野返屋企
天呀! 我咩住個袋, 仲要拎3盒野食返去, 仲有張毛巾被-,-
落緊雨架! 仲要擔住把遮, 冇落雨要我拎野都OK丫...
搞到我一隻手擔遮, 一隻手拎野, 個袋又成日sir落黎, 都唔知顧得邊樣..
最後都係返到屋企.... 囧

我12點返到屋企, 媽子4點先返黎= =
佢去拎野... 跟住又陪佢fd買電話
囧 於是, 佢fd買左部NOKIA 5310
正過5300好多-V-
5300厚到唔知咩事= =
但係都有好處啦當然
5310就薄, 唔係摺/推機 {其實好岩我-V- 之前用過NOKIA一部厚到OOXX既摺機, 依家用推機5300}
同埋都係XpressMusic機, 好岩我(大心)
佢話聽日同我去買
不過用左一年都冇就轉電話, 覺得好對唔住媽子= =
我同佢講... 遲d先買啦, 部電話用左唔係好耐
佢話, 有父親節優惠, 平200蚊呀= =
.....囧 咁我依家呢部比佢用, 我用新機.. 嗯
因為佢部motorola hang hang地= =
很美好=v=

講到呢度先=v=

- - 其實今日.... 囧 睇星座運程 好似最黑仔係巨蟹-_-
今日.. 一般啦其實

英文LIST. -.- 我有信心拎4X/50
不過聽到最後一PART竟然發呆0,0
好彩我"聰明"識搵答案... {個1題分3PART, PART A係information, B要聽, C係fill blanks}
嗯 應該唔會好似上次咁"肯"頸 得39/50掛
中文list.就... 不如殺左我
我真係想死 好似錯得好恐怖
well... 我今次只求合格TAT

放學同Jessie & 狗仔去信和..
我又唔知stick住左邊條神經線...
= = 去到 幾乎間間舖都未開
跟住同狗仔四圍行..
-.- 返去信和 d舖都係未開
就更加唔使講我地買相個間啦..
結果又係運桔, 早知今日唔去
我八達通已經冇錢, god!

返到屋企 累到....
唉
食完lunch, 之後玩電腦..
又係玩新絕, 我份人真係無聊
-,- 係咁用密技有咩意思呢其實
玩到3點幾, 同臭依一路sd sms一路打=_= 我較自動既(毆)
之後冇興趣玩, 臭依又話眼訓, 於是一齊訓=_= (我既意思係佢訓, 我都訓- -)
6點醒左, 洗頭-V-
跟住食飯, 玩到依家... 囧 我D生活點解咁頹廢

無奈. 再無奈

尋晚冇帶通告返去比媽子簽...
於是今日冇得交

英文堂 嗯 最後一堂
對LAC 好多答案都岩
Science... 有版講左crystallize!
不過個版Miss Lee話唔使對TAT

中文 又係最後..
DOUBLE LESSON 第1堂SHOCK左.... 前所未有的SHOCK + 無限跌
倪老師話要走... 我地幾乎全班都無限跌... 跌到唔知咩事
講真, 好多人都想佢走, 係邊個我唔講, 不過聽到佢地話不知幾想倪老師快D走
我想兜巴星過去(幫癲娜打佢地), 當然我自己都覺得呢D人實在....
我隻眼唔舒服, 於是捽眼, 點知TLT以為我喊... 汗 我N年冇喊-_-
第2堂做LISTENING...
嗯
打左鐘之後, 癲娜終於鼓起勇氣將份禮物同卡送左比倪老師...
全班拍手掌...
嗯... 但係D人出左課室之後, 癲娜忍唔住喊...
我都明... 但係係課室比某位懶勁既小姐嘈我^_^ 真係好玩
唔係見癲娜喊 我都廢鬼事同佢嘈
我擇日同你嘈^V^ 返去練下嗌交啦

IH 默vocab 岩哂xpppp
唉 又最後一堂 我唔掣我要IH >________<
PTH 有禮物A___A
跟住同潘潘嘈
拎左份禮物(之前因為quiz滿分, 於是有好多貼紙, 多貼紙既可以拎禮物)之後返埋位
個個都問我係咩黎-_-
我唔想講, 跟住潘潘話"你唔好成日懶神秘得唔得呀?"
唔該唔好當自己睇人地d野係理所當然啦
我既野係咪一定要比你睇呀? 我係咪做咩都要經你過目呢?
老鳳呀? 真係好笑, 你又唔係我邊個 你管到我?
仲要話我懶神祕 份野係我既 好似依家係我有權比唔比人睇喎
更何況我一向都唔鐘意比人睇我d野, 個個人都唔同架啦唔通你又要格硬將人地變做第2個你呀?
將自己當做真理呢個諗法真係傻到冇得再傻
中學喇 唔係屋企既大小姐呀 仲要人地就你
跟住你lifestyle就一定係好事呀?
如果呢個世界個個都一樣就冇必要講要接受差異啦
總之以後拎到d咩都係唔好比人知 唉
Music -_- 我諗我應該有91分(總分)
上學期唔知95架喎好似-_-
囧.. 吹笛ok, 唱歌唔掂

Maths.. 可愛的applications of ratio...
=   = 用比例計比例(爆)

放學 同cheerful一齊走
嚇到ooxx
原來撞到個修女=v=
佢用PTH同我地傾計..
行到去小巴站.. 冇啦啦cheerful指住我
= = 原來佢係想講我識日文... 嚇到
個修女係日本人-0-!
跟住同個修女用日文傾左幾句
不過.. 都係d...
佢問我學日文既野..
問教我日文既老師係咪日本人
我話.. 冇老師教我, 我係出面買書, 之後係屋企學
& then佢又問我學左幾耐.. 同埋隔幾耐學一次(即係溫書0.0)
哈哈 勉強答到 我都幾西利xp (天音: 你d日文爛成咁仲好意思話自己西利-,-)

返屋企食完lunch就去小學
柯蕙仲著緊校服orz
之後又同朱老師吹水
& then入左去小學, 搵陳老師補數xppp
突然開左竅(爆)
陳老師玩殘柯蕙xp
柯蕙話Miss Yeung {教我地班remi既-_-}鬧佢, 話咩佢數學基礎唔好
朱老師就同陳老師講左呢句
跟住陳老師話"係呀佢基礎唔係幾好"
串到柯蕙無限跌xd

走左之後去農場, 搭lift上平台
係度一路吹風一路睇風景{好似係廢話}
之後仲幫佢整左好多野...
嗯 整完就去上村既公園玩
原來真係好正a_a
係度打千秋, 仲玩搖搖板
不過係個搖搖板上面跌左落黎2次, 痛死-_-
算啦算啦痛就痛啦
= = 有次柯蕙以為我流血
我鬧佢 "你傻架你邊隻眼見到我流血-_- 個張紙巾上面有d紅色既野唔代表我流血架嘛-_-"
今日好好火a_a
玩完 5點走佬-v-

今朝返到學校本來冇咩事
TLT冇啦啦話"有冇搞錯呀文書唔寫黑板"
我問佢咩事.. 佢話我冇寫IH VOCAB BK
天殺的我都唔記得左有件咁既事! 聰明!
於是我知道自己既下場喇=_______________________________=
唉! 預左比人鬧死

英文堂 默書岩哂-V-
嘿嘿嘿嘿嘿
中文默書 死得 漏左成句... 一定7字頭
MATHS 開始難 我們家小PhyPhy(PP是也)又開始唔明...
RATE唔難姐=_= 我地小學有教喎! 大家記唔記得3條公式呀?
D/T = S
ST = D
D/S = T
嗯 就係呢D喇
HM 嘩.. 溫書... 我想釣魚= =
之後QUIZ識哂(大笑)
嗯 果然係有用既! XP
Arts 考試很糟糕..........................
唔記得帶顏色筆-_- 跟住d blanks錯左一個
速寫更加唔掂啦! 畫得咁鬼核突-_-
我只求合格=____= 唉 {當然其他科唔係咁啦}

放學留堂 又係個位TA 忍左好耐
叫人地個名叫到OOXX咁
成日讀到最後一個音就格硬升高佢 What da h***!! (抱歉我真係忍唔到)
過左5月諗住唔q使見到佢, 係都要係呢日見到
summer time留堂真係好變態
1點9留到3點.. lunch唔使食架喇
返到屋企都唔知點-_- 媽子整好既lunch都唔知究竟食唔食好
3點3, 下午茶呀?! 痴左邊條筋呀?
最Q憎夏令! 我寧願全部冬令囉唔該^_^
好羨慕個d冇冬令既學校-v-
夏令咁又點呀? 早放又點呀? 比d人早放咪又係四圍躝街...
都唔係溫書, 咁不如唔好要夏令啦

媽子起身.. 當然鬧我一大餐=_= 算啦算啦應該既

唔講住, 去洗頭, 不過呢, 呵呵, 哂下尋日買既電話繩先!

左面techan, 右面yukki


呢張圖其實係比神人睇既{神人聽日/後日收到信就明架喇}


我們家hyde, 好靚=v=



係咁多-v-

- - 12點就出去
食lunch... 明顯走去食M記 唉
之後搭車去旺角..
大家知我想點
其實唔係為自己... 係想買份生日禮物比Charlie -v-
結果用左20蚊= =
最後忍唔住, 買條電話繩比自己, laruku呀-v-
其實好想買hyde既電話繩架.. 但係.. 我本命又唔係hyde, 係laruku全體!
所以買laruku既-v-
呵呵
之後去地鐵站... 同Jessie一齊去音樂會
好彩... 張飛唔貴, 80蚊姐...
表姐陪Jessie... 唉...
-v- 表姐真係好擔心佢

個音樂會好正
不過我地早到左成半個鐘.. 於是係度... 仲咩呢 呀係, 吹水!(笑)
係到講左好多好多野....
當然都係關於我地班架啦
嗯....
開始音樂會之後, Jessie係度打機- - 玩電話入面d game..
D人拉大提琴真係好西利*V*

聽完之後就去搭車.. Jessie唔陪我去旺角..
我自己一個去... 唉
結果... d相仲未到! 哂左我d車錢! (毆)
魚-_- 應承左狗仔聽日比佢架嘛....
返到屋企 成個人癱左咁- -
PS: 行緊返屋企個陣經過細球場, 嘩... 撞鬼
我好似撞到某笨豪.... 我唔知係我眼花睇錯定點, 總之嚇到我即刻走-_-