放心, 唔係咩恐怖襲擊之類既野, 係我跟住落黎要做兩單大野.
第一單, 係重新架設檸檬網論壇. 轉UTF-8, 之前全部野都幾乎唔要得, 包括會員.[1]
第二單, 係debug條機器人程式, 比重架論壇仲有複雜性, 挑戰性, ........
繼10月事件後, 論壇陷入一片死寂中.
2月重開論壇, 情況依然無好轉.
就算話整班壇, 但係因為宣傳不足, 結果都係........
今次重架, 都係以班壇為目標, 但係加上半開放既制度.
另外, 原本個論壇程序我都改左唔少, 要搵番出黎唔係咁容易, 呢個先至係難點所在.
我至少改左 10 個文件, 咁應該知度複雜響邊啦........
機器人程式.....呢個仲煩.尋晚整左成晚, 結果同我響電腦室試果次一樣 -- 原地打圓圈.
真係激死我......今晚或聽晚都要搞埋佢.
今日晏晝無啦啦boot唔到機, memory test之後死機無反應, 唔知點解.
reset十幾次之後先boot到, 但係張顯示個風扇有問題, 狂響.
突然諗話, 不如趁呢次換左佢吖, 5點番黎用到E+, 咩聲都冇.
頂.
咁我既換卡大計點算?
唯有等下次機會.
仲有, 今日個課室超熱. benny生佢話寫紙叫人整冷氣, 你知道學校個on nine總務處D人點講?
"等其他班都有冷氣壞左先叫人一齊整好曬佢啦."
我真係...頂佢個肺都嫌少野, 幾時先得有第二部冷氣壞?! short short 地既!
真係唔知係咪人品問題, 次次我班分到既課室, D冷氣一定係壞既, 但係上年班既冷氣, 竟然今年無事!
咩天理?!
|
