前幾日做過05年既化學MC...成績都幾令我滿意...45/50 希望06年會考都係咁就好~~

買左F.Shum 本Paper II....唔知有冇用呢..."

牙嫲話我考完會考果d假期...會介紹我去一間會計師行到做@@"真係咁好@0@?呵呵~~~

呢幾日...打機好似打少左咁喔@@"同小強去中央......瞓覺=.="好攰lor =o=

受到了刺激....要開始努力溫書喇!!!

距離模擬試仲有:66日距離會考仲有:110日

上個禮拜2....我地班既所有老師都開左個會....

之後連續幾日既早讀堂....都有d高層黎我地班講野....

定左以後雙數Day 早讀就用黎測驗....Day2 地理Day4 生物Day6 物理Day8 化學....唔洗早讀....

中,英,數,物理都教晒書....將開始溫書,測驗,做past paper....

好彩我唔係班會主席....謝師宴d野唔洗我煩....

最近個個都好似勤力左好多咁....搞到我有d驚....

功課少左....測驗多左....有時測測下驗會測到想瞓....一心諗住快d做完瞓....點知當做完果時....就夠鐘....又冇得瞓-  -"

呢2年中四中五真係過得好快....話咁快就1月中喇....仲有4個月就會考....

數學94~05年既Past Paper 影印左....一大本...但係未做過...."化學又係一大本.....做得98年既MC =.="

睇住Ms Fung 個肚一日一日咁大....唔知佢幾時會放假呢....希望唔好早過我地放假 la...."Ms Wu 話佢會等我地放假先放....唔知係咪真....

好耐冇返過中心lu....原因....太懶...."

星期五Ms Ma 同我講...."你係六行 ga la"....唔知有冇d咩暗示既呢???

出年中六會開通識....新開既...冇信心....同埋冇興趣....我諗我都會係簡返物理,生物,化學....話晒我最愛e3科....亦
都係最好成績既3科 =)"

開始睇緊d精讀班....差唔多要報 Lu....

到e+....都係未開始溫過書....話就話要溫.....唉....都係敵不過懶惰同貪玩....仲日日係到打機 =(

測驗既目的係迫我地溫書....但係....我就咩都冇掂過....想死!!!

搵人幫我set個時間表丫~~~同埋迫我跟住個時間表做晒丫....到e+我都未有一個完整時間表....我e+既時間表係....放學返屋企打機....打到咁上下就做功課....之後沖涼瞓覺-  -"

成個禮都好似怪怪咁..."

中一至四,六考完試走晒之後...學校變得好靜...真係好靜....靜到有d怪....個感覺同放假返學補課好唔同....

呢4日日日放學都測驗....生物→化學→物理→化學.....測到眼瞓-  -"

Zzz....放學同班友去左睇謝師宴場地既酒店....好靚牙 >v<""

之後6條友去左打機....打到7點走...同小強返屋企...."

返到屋企....收到紅十字會捐血站既信喇~~~有張捐血卡=)下次捐果時可以拎返個捐血既章仔 >v<"

冇驗血報告@@"幾時先會收到呢唔知..."