今個平安夜晚上
如無意外都會同以往一樣
係屋企渡過
因為我仲未完成晒手頭上需要寫既聖誕卡xd
而且我又嫌多人......

上微博或者fb
都會見到Ling既新國語專輯
個封面勁靚
當然會買黎支持你la
期待x100!!

依家仲緊究竟3l號去邊度好?
APM? 屋企? 定係去屯門睇Ling呢??
真係想到頭都大埋!!

今日原先想去工展會既
不過咁凍都係遲D先去la!!

結果變左藍田一日遊
(匯景-->啟田-->平田-->德田-->興田-->麗港城)
行左好多地方
當然又破費不少

最後係麗港城間YLK食下午茶
就係好好食既『日式雞翼肥牛烏冬』
好食到暈....
夜晚就有食pizza
好有口福tim

最慘就係聽日無得去
唯有改做打牌la....

一個寒冷有雨既早上
只有8度咋!!
今日番西貢番學
簡直係凍到死同埋好大風
真係好想繼續係被窩訓教
不過要考試ma....

結果番到去
就見到學校有2棵樹塌下來
可想而知究竟係幾大風喇!!
份UE Listening又係好多窿窿空左
肯定好差啦...
唔想好次上次咁低分呀

今日中化說話條題目
我已經算好彩
「愛國與愛民」唔係好難講....
多謝袁sir完左之後俾番我
我知道今次表現已比上幾次好
我會住既!!

雖然我就考完試la
可以鬆一口氣
聽日仍然要考A.MATHS同埋M.S既同學仔
要俾心機考好埋佢
ADD OIL AR

今日去左新都城行街
發覺每逢聖誕節
每一處都充滿聖誔氣氛
呢度都唔例外...
以面譜做主題都ok既
不過我年年都覺得
係又一城既聖誕樹係又大又靚
今年仲以光纖做主題 夠晒特別!!

去到一定要去我最鐘意既YLK食野
個咖哩雞玐焗飯真係好好食
好回味無窮添!!

跟住去左睇聖誕禮物
唔知係咪自己大個左
自己慢慢覺得
聖誔氣氛已經減退下來
有少少無癮既感覺
不過最後都有買禮物既
送俾邊個就唔知喇?

遟D放假真係大把節目
好想快D到ar....

今日第一次有一日係有6堂自修堂
事關地理Miss同埋經濟Sir病左無番
顯得無咩壓力....
呢幾日天氣凍呀
大家睇住自己
唔好病ar!!

聽日係考試前最後一日上課天
睇黎只能輕鬆埋聽日
不過睇到自己根本不在狀態
都唔知點算??