LEE幾日都幾倒霉...都唔知從何說起...
之前上網睇岩左二手車(下面篇BLOG架爛車),就約左個賣家出黎...
佢SMS同我講地質大學附近GE農家小館等,我話唔知係邊(下刪一千字)...之後佢就話係光谷書城等啦...
本來買車哥晚打算買左就同嘉文佢地去食飯...我定好買車大概7點半至7點9就搞掂,之後去會嘉文同肥軒佢地,
之後賣家黎左,佢咩車都冇帶黎...同我講..."你沿住魯磨路一直踩單車,踩到過了第一個紅綠燈,見到地質大學,然後再繼續踩,上坡下坡就見到農家小館,我在那等你."
OH...慘啦...點解你要咁樣做...於是我就跟同行GE何翊同肥傑講,去搵嘉文佢先,我買完就好快返黎..
之後我就出發啦...
由於記性唔好,當時記錯..以為佢叫我去卓刀泉...我踩車飛奔過去,過左第一個紅綠燈,以為就黎到,點知...就黎到武大...都見唔到一間叫農家小館GE東西...=口=
手機就黎冇電..賣家打黎...問我...你點解仲未黎?而家係邊..(踩去武大要20分鐘GA= =)
我同佢講我係卓刀泉...佢O左咀...=O=
之後我就立即飛快咁踩返轉頭...望一望路牌,向魯磨路出發...
過左魯磨路第一個紅綠燈,再踩前D,...沿路見到有間農家砂鍋喎!唔通係LEE度?!睇左一睇,佢好似唔係入面...之後踩前D見到地大...附近都冇農家小館喎!唔通真係農家砂鍋?踩返轉頭望多望...
打算打電話俾賣家...點知...手機冇電...OH MY GOD!
當我開機,成功進入桌面時...嘉文打黎...大鑊...聽唔聽好...聽左LEE個電話...下次冇電就連機都開唔到喎..
但為左報平安...聽啦...
點知講到一半...真係冇電...
第二次開機...好彩仲開到..打通左賣家電話
"我見不到農家小館啊!只有農家砂鍋!"
當賣家有野講時...又冇電...
再開機...已經開唔到了...
咁唯有自己搵啦...來回踩左魯磨路幾次...
去到地大,問人..."請問這裡附近有沒有一間叫農家小館的店鋪啊?"有個人答我:"農家小館?沒有聽過...農家小院前面倒有一間,不過挺遠的..."
挺遠?去唔去好呢?但係唔係話係魯磨路GE咩?前面咁黑,一個人都冇...係咩路黎GA?
但係冇計...死就死...去睇下啦..!
一直上坡...之後下坡...再一段直路,果真,有間農家小院...(頂...真係幾遠..踩左我幾公里...)
入去問人..."這裡附近有沒有一間叫農家小館的店鋪?"
個保安答我:"沒有啊..."
難道真係農家小院唔係農家小館?
"那這裡我老闆是不是姓胡的?(我記得個賣家好似係姓胡)"
保安:"不是,是姓徐的"
咁冇計啦...黎到農家小院都搵唔到個買家...差唔多10點...唯有走啦...心情有D低落同好燥...
之後踩返上坡再落坡...搵左一間蘭州拉面食D野...
食完野...離開...有個穿得還可以GE女人走過黎...唔知講咩...大概係話:"先生,有沒有錢啊?我和我女兒沒錢搭巴士去漢口火車站,可不可以給點錢我?"
我塞左4蚊俾佢
佢又話:"我們想買些食的上火車上食啊..."
你係唔係呃錢的?想了一想,不過算啦...十幾蚊姐...俾埋你啦...你唔會再話要飲GE玩GE掛...
之後我又塞多20蚊俾佢...佢地就走了...返華科...
哥日真係夠皮...運動量超足,,,先是踩去武大再踩返黎,再魯磨路兜左N圈...再踩幾公里到農家小院再踩返學校...足足踩左我兩個鐘...
返到宿舍...好累...差電..打開手機一睇...果真係農家小院...我記錯左...頂=口=...難道佢係哥度GE老闆係姓徐的?!
肥傑仲同我講返:"我地打電話俾你打唔通,話你關左機,仲以為你去左邊俾人扑濕左..."
我聽到佢LEE句GE時候,就幻想佢地一定係一路食飯一路係度討論LEE個話題...
A夾緊菜:"LEON咁耐都未返GE?買車買好耐喎"
B爬緊飯:"係囉,打佢電話又冇人聽...佢可能俾人扑濕左~"
A夾緊肉:"可能係呢~~"
HAHA只係講下笑~好彩你地冇搵我..不然我都唔知點同你地解釋好~
哥日之後哥晚再約佢買車...去到農家小院...原來佢係住係哥附近而唔係老闆...
架車到手了,真係好殘...(下面篇BLOG有相睇)...不過佢有歷史,係戰神杯GE冠軍~個賣家話如果LEE架車揸出街,係武漢玩車GE人都一定識得你!HA
~~~~~~~~~~~~~~~~~~~~~~~~~~~~~~~我係低低BB GE分格線~~~~~~~~~~~~~~~~~~~~~~~~~~~~~~~
講下金工實習先,上一次GE金工實習係講數控車床,銑床同埋加工中心~
我發覺數控GE野先係王道,可以做出各種用人手做唔到出黎GE野~人類實在太聰明了!
車床
銑床
加工中心
仲有我地組GE兩件作品仔~
今日金工實習,做特種加工(其實咪又係數控GE一種...數控雕刻)整左一塊牌仔出黎
係唔係幾靚咁呢~
佢可以用黎裝飾電腦
用黎裝飾銀包
在唔係用黎隨處放都得,一樣咁靚~
其實我最想係裝係部車上面,因為我架新車就黎完工啦~係以星星為主GE一架新車!!!一定耳目一新!請大家拭目以待!
Love
