又到中秋，又到中秋，又到中秋真的過癮。雖然過左中秋節，不過補返上次無講...........中秋節快樂。
-----------------------------------------------------------------------------------------------------------------------------------------
QOOZA成日都俾人攻擊，所以推到今日先打第12章。真係好對唔住大家。
如果QOOZA重係俾人攻擊既，可能我會轉去第到寫-.-"(說笑)不過我都重係會支援QOOZA。
差唔多成個月(有無咁誇呀)無開，我都就快唔記得自己打到邊到，不過好在我有備份睇返。
------------------------------------------------------------------------------------------------------------------------------------------
我太懶，係qooza停左之後，我一直都同佢一樣停左無再打，就算係第2到都無打，不過就係個半個月咁多既時間，我諗返好多野
，不論係我朋友既故事，亦包括我，就算好同壞，我都覺得好似好羞愧。
例如上次歌曲比賽，同畢業禮咁，都係，我諗，當初係咩推動我參加既呢？e個問題我問左自己好耐，再進一步諗，如果我本黎無
去參加你話幾好，唔使煩。
-----------------------------------------------------------------------------------------------------------------------------------------
唉....我最"好"既朋友都有左女朋友=.="，個女仔真係"悲哀"，不過我都小左好多工作，算啦，咁，第十二章正式開始。
-----------------------------------------------------------------------------------------------------------------------------------------
《天使們的夢》時雨
第十二章，【相遇】
「小月？小月係邊個呀主人？」
那少女笑了一笑後，對著清鋒有點兒奇怪地說道。清鋒立即有點兒驚奇地問道：
「主人？你唔係小月？」
「o依個樣？哦，ｏ依個應該係主人你最想見到o既人o既樣黎。」
少女笑瞇瞇的回答。清鋒追問道：
「咁你係邊個呀！點解你會係我個夢入面，而且重.....重叫我做你主人？」
少女聽到後收起了笑容，那張小月的眼角滲出了一大點淚水，就像快要哭出來一樣，說道：
「主人.....你竟然唔記得我係邊個左我.....，明明知道o依個係你個夢入面，o依到o既一切包括我，都係你創造出黎。」
「對......對唔住.....我真係唔知o依到係邊到，原黎o依到係我造出黎o既世界牙.....好了好了你唔好再喊啦。我最怕就係女仔
喊，而且重是小月o既樣，就更加令我頭痛。」
清鋒手忙腳亂的哄那個少女，那少女也慢慢收起了那快要哭的臉說道：
「你真係唔知道？咁算啦.....咁我原諒你啦！本黎我就係你o既夢精，我無權力可以對主人你發怒。」
「夢精？你係夢精？」
清鋒的疑問好像又傷到了那個自稱夢精的少女，少女又開始想哭了。清鋒連忙說道
「係係係.....你係夢精，唔好再喊啦，o下....咁你叫咩名呀。」
可能哭了第二次，不能收住抽搐，就這像半哭半說話地說：
「我.....我係.....我叫做莉莉亞，本來我地....夢精.....係唔.....應該對主人講自.....己.....個名.....不過主人o既要求，我地唔可
以，反抗......」
在後段抽搐減少左，清鋒都大約可以聽得明。接著清鋒更想問深一層的時候，莉莉亞用手指點住了清鋒的嘴唇，說道：
「今天的問題已經足夠了，而且今天應該沒有太多時間，就到這樣吧好嗎？」
清鋒雖然想知道，但只有答應靜下來，不再追問，靠著莉莉亞的背上，在微風的吹拂下，清鋒又再次進入了沉睡的狀態。
過了不知多少時間，莉莉亞把清鋒叫醒：
「快o的來身呀，o依個世界就快要消失.....」
清鋒慢慢地張開了眼睛，發現四周好像上次離開這個世界那樣，開始慢慢地崩潰和消失。正想起身時，發現自己原來一直睡在
莉莉亞的大腿上。清鋒正想跳開的時候，莉莉亞按著了他，說道：
「今次你唔使郁，因為好快你就可以走，只要你再次閉上雙眼，就可係現實世界醒返。」
清鋒沒法下只要照辦，但突然又想到這個夢的世界消失後，莉莉亞會如何，正想問的時候，發現自己打不開自己的雙眼，只感
到在意識快要完全消失的時候，感到臉上有種輕柔的感覺，接著耳邊傳來莉莉亞的說話：
「再見了主人。」
「莉莉亞......」
清鋒在他的大叫聲中醒來。在醒來後，看著窗，發現已經是早上了。清鋒就走出了客廳，「咦」，看到早餐已經一早收拾了。
「你今日無早餐食呀，因為你對你媽媽，姐係我無禮貌。」
清鋒相信這句說話是由他那「慈祥」的媽媽說出來，也知道那時候的詭異笑容，自己不會有好結果。而且再想想，自己好像連
昨晚的晚飯也沒有吃，在這個飢寒交迫的時候，而且又要上學，只好立即換上衣物跑到巴士站。
坐了大約半個鐘的時間，清鋒終於回到了學校。可能是清鋒今天早起了，學校裡一個人也沒有，正當他想到小食部買食物時，
突然感到一陣暈眩，而且全身蘇軟，整個人向後倒下，就這樣清鋒失去了意識。
過了一會，清鋒醒來時，發現自己已經在病床上，再看看四周環境，原來自己已經在醫療室裏。不過清鋒自己不明白為什麼會
在這裏：
「我記得我好似暈左係操場格......」
就在這時，旁邊傳來了聲音：
「你終於醒娜。」
清鋒立即木定口呆，而且完全反應不了，抖聲道：
「你.....你......你係......你係......我班既.....李.....秋....蘭......」
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
第十二章完.....
|
