終於到左18歲了.........，過都無咩感覺，人地話18歲係人生既轉捩點，18歲只係人地認為e班人識諗d，係嫁咩???
總有d明白信長對今川同自己，以及生命既丐歎(佢個句廢話我唔打了，有機會既我會打係還施水閣入面)。
-----------------------------------------------------------------------------------------------------------------------------------------------------------------------------------------------------------------------------------------------------------------------------------------
我開始覺得打完無人回=.="，不過可能你地真係好忙啦。定係我成日去人地到無回人呢=.="
我ｅ幾日病左呀，感冒=.="，連我細佬都要推遲左等我，真係對唔住大家。
-----------------------------------------------------------------------------------------------------------------------------------------------------------------------------------------------------------------------------------------------------------------------------------------
前個月身痕痕咁，原來係有木蚤作亂，本人生平都會同d小動物和平共存(因為佢地都係生物呀)，殺生唔係我所想，不過係雙方出現邊境衝突既時候，我地只有開戰。
一家人開始左一場同木蚤既大戰(我同我細佬稱e次事件為木蚤之亂)，係戰爭既過程中，發現，原來好多地方已經俾佢地佔領左，就算點殺都殺唔完，最後，我地使左最強武器 － ???(因為我都唔知係咩黎)
放係主據點入面(姐係我呀媽房)，就咁樣木蚤之亂就平息左，但咁係唔代表佢地唔會再次作亂，所以e場慢長既戰爭我地係會繼續既.................《木蚤之亂》完。(拍手聲....拍手聲...)
我係到做緊咩呀=.="
-----------------------------------------------------------------------------------------------------------------------------------------------------------------------------------------------------------------------------------------------------------------------------------------
又打左好多廢話，不過第十三章故事都要開始嫁.......
-----------------------------------------------------------------------------------------------------------------------------------------------------------------------------------------------------------------------------------------------------------------------------------------
《天使們的夢》時雨
第十三章，【偶然】
只見醫療院門前站著一位和清鋒差不多年紀，外貌清秀，給人一種淒楚的感覺的女學生。
「咦？你知道我係邊個o既？我重以為平時係班入面，你連望都唔望我一眼，打招呼又唔睬我，重以為你唔知我係邊添。」
李秋蘭有點兒意外地說道。清鋒慌慌張張地解釋：
「唔.....唔會....點會唔識李秋蘭你.....你呢.....」
心中拚命地說著：
「你係我暗戀對像，又點會唔識你呢？想識你都識你唔切啦。」
李秋蘭又接口道：
「你唔覺得你成日叫我全名會好怪嫁咩，直接叫我小蘭就得啦，而且好多人都咁叫我。你.....」
「叫我清鋒啦。」
相信這一句是清鋒有生而來，最希望，而且最爽快利落既一句說話。
「清鋒？總係覺得咁叫怪怪地....係喎，你知我係邊個，點解我次次叫你，你都唔理我嫁。」
清鋒聽到後立即啞口無言，因為絕唔可以對小蘭說，因為太緊張和你說話而選擇左逃避。就在這時，醫療室外傳來了聲音。
「蘭，你無事嗎？」
只見在醫療室門外登時企著一位身材高挑，而且十分有形的男學生，看上去絕不像和清鋒同一級的學生。小蘭對著那有形有款的男學生說道：
「世傑，我無咩事，只係係返到學校個時，見佢搖下搖下咁，就知佢一定會暈倒，之後我就同一個老師抱起佢送佢黎ｅ到。咦，點解你又會黎既？」
「無，只係有人同我講你去左醫療室，黎睇你你點姐。」
世傑回應過後，雙眼有如獵鷹望兔一樣，看著清鋒，雖然清鋒不大害怕這種突如期的嚴視，但總覺得有點兒心虛：
「佢做咩咁望住我，我又無做錯事，唔通佢知道左我暗戀小蘭，想警告我？點都好，只要唔好俾佢發現，佢應該唔知o既。」
「咚、咚、咚......」
「咦，好似打左上堂鐘喇喎，世傑我地出去啦，唔好阻住人地休息喇。」
隨著上堂鐘的響起，小蘭和世傑也一同出去了。清鋒休息了一段時間，總算回復了一點點的體力，就坐起來，準備回到班房上課。
在回班上的沿途，清鋒反覆地思量：
「鄭世傑太強，講身材樣貌我又唔夠黎，講主動又唔夠佢主動，而且佢重要高年級過我，而且佢又係鍾意小蘭，點好。我真係有o的後悔放棄左小月，小月呀小月，你有無方法救救你表哥呀。」
返到班房，第一堂正好完結，而且老師也離開了，清鋒坐回自己的坐位，而鄰坐正好就是他的好朋友杜仲伯。
「"馬蜂"重以為你今日會係醫療室長訓添。」
「"杜伯"你咪傻啦，不過我今日心情好，唔同你嘈。」
「哦，俾人地抬去醫療室都可以心情好，世上可能得你一個。」
「你知道左娜。」
「一早返到學校就收到風啦。」
清鋒沒有再和仲伯理論。這時小蘭正在望著窗外的景色，好像心事重重的.......
「唉，鍾意一個人，真係令人煩惱。」
發愁的清鋒雙眼不其然地凝望著小蘭。一件很平常，但又可能是很偶然的事情發生了，突如其來的開門聲，把小蘭的視線吸引了，小蘭轉過頭來，兩人的視線同時接上了。這時清鋒第一個反應當然是想避開，
因為不希望被小蘭見到自己在偷偷凝望她，但清鋒因為一直在發愁，到發現時已經來不及避開。
兩人就這樣過兩、三秒，這時清鋒心想：
「我到底o依家應唔應該再避開呢？定係維持住o依個狀態好o的呢？」
就在清鋒思考著這個像是十分無聊的問題時。小蘭已經立即低下，避開了雙接的視線。就在清鋒有點兒惋惜和不解的時候，他的耳邊傳來了低聲的說話：
「"馬鋒"你今日行正桃花運呀。」
清鋒正在沒神沒氣地想問「點解」的時候，仲伯已經接著說了。
「你暗戀o既對像，都好似暗戀你喎。」
原來仲伯一直都在觀察兩人的一舉一動。清鋒聽到後立即企起來對著仲伯大聲說：
「o下，唔係掛。」
「同學o依家上緊堂嫁，唔該你坐低，而且唔好阻住其他同學上堂。」
原來剛才的開門聲正正是第二堂老師進來，這時全場立刻發出了笑聲，當中也包括了小蘭。清鋒只有無地自容地坐下，而他也立即問仲伯：
「點解你咁講呀？」
「你唔信？今日你試下同佢表白，你就知點解。」
清鋒又差點兒叫出來，而仲伯立即按住了他。
「o下，表白？唔係掛，衰左好樣衰嫁喎。」
這時清鋒腦裡出現的，都是被拒絕的回響。
「你信我啦，今次我無玩你，一陣中午食飯個時我就幫你約佢出黎，之後就靠自己喇。」
這時仲伯轉了身，面上出現了一個詭異的笑容，但清鋒沒有看見。
就這樣清鋒就被這小蘭和仲伯兩人的突殊舉動一直束縛到中午.......
-----------------------------------------------------------------------------------------------------------------------------------------------------------------------------------------------------------------------------------------------------------------------------------------
第十三章完
|
