係呀，今日又黎打喇.....點解我又黎呢....因為，我屋企開動4個滅蚤器，
今次會將e4個核彈頭分放係廣島"我同細佬訓個間房"、長崎"我呀叔間房"、古巴"我呀媽呀爸間房"、同俄羅斯"客廳"
e次唔係試爆，係一次過摷滅佢地....本黎我都唔想，因為佢都無再搞到我(需然都有一兩次，咁"蟲"地要食血先生存到嫁喎，定期放小小血都好應該啦雅，而且我記得電視有講，做定期捐血可以令新陳代謝加快，而且佢地都有生存權利嫁=.=")
不過最後始終都要完全消滅佢地，係完全開動個d滅蚤器之後，我就閉上了大門，係大門後我為佢地既死亡而沉默.....以示對死去戰士同子民們表示尊敬.......... 《木蚤之亂•外傳》•完...........我又係到做咩呀.....=.="
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
咁之後我一定唔可以係屋入面，當然係走左出街啦，之後我就跟電視個白痴廣告咁做(你跟住做姐係白痴啦....)
「每日步行一萬步。」，所以我就"行"去中圖書館喇(行左成7xxx"有誤差值"誤差值為100"步先到，行多次返屋企都夠一日既步行數)，
你傻啦我點會行返去呢？
咁姐係我就係中史圖書(早上)打e篇野喇......(無聊發悶中.....)
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
其實上回既故事我想用體育用品室嫁，不過就有D.....唔係太好，因為始終都係一個只得一個門口既密封既空間（反鎖左就好玩了....)
點解咁好玩e層就......總之我係按故事去寫(其實個故事好似唔係我諗出黎咁，反而我覺得係個劇情叫我咁寫落去)，姐係..好難解釋=.="
如果你話我係作者既話，我比較似一個讀者，就係咁解.....(咁姐係....咩=.=")有時自己打完都想睇返一次個故事......
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
第十五章正式..........初め!!!!!! (成日打d無聊野，重要成日加括對自己吐槽，你係唔係人格分裂先)
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
上回提要：
因為俾仲伯叫走左既小蘭最後都俾世杰搵到，而清鋒立時幫小蘭脫險，係最緊急既關頭走左個"大隻佬"老師出黎，救左佢地。佢地之
後會重.....咁之後佢地會點呢？
《天使們的夢》時雨
第十五章，【下課】
「咁姐係你得左囉。」
「仲伯!?」
清鋒行了數步，在後樓梯轉角的位置企著一個人，正正就是仲伯。
「點解你.....唔通你一直跟住我？」
「我得閒同你玩跟蹤呀，我去買左o的野食，之後食完左就想睇下你搞掂未，點知就見到你同謝世杰佢想打起上黎，咁我咪去搵
老師囉，咁好彩黎老師又係附近巡緊，所以咪叫左佢黎幫你手囉。」
清鋒面上出現了感激的表情，說道：
「仲伯....真係多....」
「唔使講多謝喇，要多謝就幫我拎o依箱野去教園室啦。」
這時清鋒才發現仲伯旁邊有一個看來很重的紙箱，清鋒立即問：
「箱野.....」
「叫老師，當然係要幫佢地做o的野嫁啦，唔係點會咁順利呢？」
仲伯說完後正想轉身就走的時候，清鋒就叫停了他，拍著的肩頭，用有點兒恐嚇的說道：
「我地....重係唔係朋友先。」
「如果我話唔係呢？」
「一場朋友幫下手啦，頂多以後有咩事，我一定幫你手。」
清鋒的語氣立即有一百八十度的轉變，仲伯見到他這樣子，最後只搖了搖頭，嘆氣一下，就走上前幫清鋒抬起了那沉重的紙箱。
終於放學的鐘聲響起了，清鋒一邊收拾，一邊回想中午小蘭最後的一句說話，心中想著：
「咁姐係好似仲伯所講o既得左，定係.....」
與此同時仲伯已經收拾完畢，正想開口叫清鋒一行回家的時候，突然小蘭走了過來，仲伯立即便會意，並向清鋒說道：
「你執野都執得咁慢，我唔等你喇，不過都唔使我等你，自然都有人等你。」
仲伯頭也不回的行出了班房，班房上的人都陸陸續續地離開了，到最後就只留下小蘭和清鋒，這時清鋒開口說道：
「其他同學都走左喇喎，點解你重唔走呀？其實你唔使等我嫁喎」
「我都唔趕住走，而且我都唔一定係為左等你格....」
清鋒被小蘭的說話聲吸引著，停下手轉頭望向小蘭。企在桌旁的小蘭，加上窗外的夕陽，份外撫媚 ...
「你....唔好一直用咁o既眼神望住我.....」
「好....對唔住，一時睇得太出神.....」
接著小蘭有意無意地走到清鋒的前面，面對著面地對著他說道：
「你鍾唔鍾意我呀。」
因為突如其來的行動，令清鋒連人帶椅向後退，接著就一起反倒了。小蘭忍不住這個這個突發性的笑點，抱著肚子在笑，同時口
中說著：
「你使唔使咁大反應呀，笑到我好肚痛。你無事阿瑪.....」
接著小蘭一邊笑，一邊拉起倒在地上的清鋒。清鋒當然是很自愧，畢竟在自己喜歡的人面前出洋相，而且還要在這麼重要的關頭。
清鋒低著頭拍拍衣服上的灰塵，悲哀地拿起了背書向課室外行去。小蘭立即拿起了手袋，追上前叫著：
「等埋我呀.....」
在回家的路上，小蘭跟著清鋒說著：
「你唔好行咁快啦，係唔係重嬲我呀，我對你講對唔住啦，你唔好嬲啦，我笑你唔我唔好....」
表面上小蘭以為清鋒是惱羞成怒的樣子，但其實清鋒心中的又是另一回事.....
「我點會嬲佢呢？只係我唔知點面對佢姐」
過了一會，小蘭終於放棄了，停住了腳步，向著清鋒說：
「如果你唔理我就算啦，咁我自己返屋企啦，唔使你陪我了，我走了拜拜。」
當清鋒聽到小蘭的說話，立即轉身說道：
「唔好.....」
清鋒知道自己好像說錯了說話，雙手封著自己的嘴。本來轉身走了幾步的小蘭又轉過身來，說道：
「你終於肯彩我喇咩，不過o依家到我唔彩你了，我嬲你呀， 哼....」
「小蘭....我.....」
「重有咩想講，唔係我返屋企嫁喇.....」
清鋒知道自己是不應該說一些說話強求小蘭的意向，不過他認為這可能是今天最後一個機會了，開口說：
「咁......至少，都俾我送你返屋企，好唔好....」
「好接受你既要求，咁你就做住我既保鏢，送我返屋企啦。」
就這樣本來由小蘭跟著清鋒走，就變了清鋒跟著小蘭走。
夜上的月光已經走出來，他們已經走了一段時間，其實一直沒有再談話，當走到一個較暗的街角，只聽到一些怪怪的呻吟聲，
清鋒羞怯地想快步離開，但在這時小蘭就拉著清鋒，低聲說道：
「你唔想睇下咩事咩？」
清鋒說道：
「咁樣好似唔係太好喎，而且又好似阻住人.....」
「你又知係咩事，我唔知呀，你講俾我知啦。」
清鋒的雙頰比之前的更紅，連雙耳都開始紅起來。
「你真係可愛....」
小蘭有點兒戲弄清鋒，但自己其實是十分想看看發生什麼事。
接著清鋒就被小蘭拉到了一個暗角，他們看到三個人影。但是這三個人影令他們驚訝的，並不是因為他們所做的行為，而是.....
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
第十五章•完
|
