前進吧，前進吧...一步一步的。時間在前進，世界在轉動，我也是時候起步了。這就是，當跨出了第一步，就會沒有了回頭的退路。
你不是對我說過嗎?
我沒帶什麼前行，就算我倒下了，雖沒有保護，但是也沒有失去。
戀愛的人呀，你們是受幸福抱擁的一群人。
跑在這路上，已經是沒有後悔這條路選了......
你選擇了什麼?願意跟我一同走上........嗎?
《冬天•憂鬱的愛》
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
上個星期日又俾呀媽拉左去工展會，行左一日好疲倦。
疲倦既原因唔係因為行太耐，係因為要拉住我呀媽個朋友既孫女行(注意係孫女，可想而知.....)
對沒有隱性或現性特殊喜好既我黎講，本黎都無咩野(某人另計)，
不過唔知點解個細路女係要我拉住佢行=.="
最後重要我抱住佢行到最尾(包括返到屋企).........
我e家先知，成年既女性見到自己既獵物，就會唔記得左一d好重要既野....
重有就係我好受小朋友鍾意....(可能連小朋友都蝦到我....哭)
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
前幾日發現左一個愛剪羊毛的人，
不幸之下我都成為了受害羊（不過未剪晒，重有ｄ佢未剪到）
無毛毛既既綿羊......
笑啦，我知你地好想笑嫁喇.....(冬天唔好講冰笑話呀，好凍呀.....)
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
上面歌曲已經由【Dear】轉左做【光】，因為唔想主頁同日誌同一首歌，所以.......
對唔住呀各位，尋日話寫最後都無寫到(走左去畫野.....)，
所以唔好有意圖or企圖想打我.....(明想人地打你啦，你咁講)....
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
終於寫到第二季既最後喇(由秋天寫到冬天=.=")，不過都係一個唔係太好既終局(因為唔係good end)，
我想寫good end嫁=.="唔係我唔想寫.....
點解故事一定要分手收場呢?e個要自己去問本人喇。(奸笑中.....)
因為本人唔爭氣既關系，所以下一章會係ova，(番外篇?外傳?)
絕對係一個happy end黎既，信我....
第二章結局開始喇.....
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
上回提要:清鋒和仲伯，突如其來的收到小蘭轉學的消息，這表示事實受到忍藏了，到底是什麼一回事，難道故事就這樣結束了嗎?
《天使們的夢》時雨
第二十章，【太遲了】
當小蘭慢慢地離開課室時，有很多同學都圍上去，有些是問他的電郵地址，有些則是道別。
這時的清鋒沒有說任何行動，像平常一般收拾書本和功課。仲伯看著他那個若無其事的樣子，就開始想發怒了，就道：
「清鋒，你無野同佢講咩，佢就要走喇，唔通你真係咩都無野想同佢講？」
清鋒沒有回答，繼續地收拾，仲伯終於忍不住，拉起他的領帶。仲伯看到清鋒的臉，像是世界末日前，人們絕望時的樣子，雙眼
表現出迷失的眼神。就對著他震怒地道：
「你睇下你o伊家似咩樣？」
清鋒收拾好書包，推開了仲伯，避開了圍著小蘭的人群，自己獨個兒離開了。
「佢真係.....」
這時門外走入來一個不同班的人，正是雪瑜。
「小白(仲伯的小時候的乳名).....」
仲伯二話不說，迅速地就把雪瑜拉走了。
兩人在梯間.....
「我上次叫左你唔好係學校叫我細個個時既名。」
「有咩，我唔記得喇喎。」
仲伯轉身看看身後被拉著的雪瑜，發現眼神不同了，想必是交換了人格。」
「你出黎做咩呀，換返第個雪瑜，我有野問佢。」
「你唔想見到我咩?咁好囉，不過你就唔會知道好多深入o既野嫁喇喎....」
仲伯要知道很多事，但是被她這樣一說，可能有更多更多的事他也不知道。在這種情況下，沒有辦法，只有屈服。
這次他們又到了那間特別室.....
仲伯想知道很多事情，就先開口問道：
「小蘭同清鋒兩個個晚咩事呀？而且點解小蘭又咁突然要走去外國留學嫁呢？兩件好似完全唔配合，但係又好似有o的關系....」
「蘭本黎就無錯，錯就錯係清鋒o既身上....」
「o下？」
仲伯不解為什麼錯在清鋒身上，但是他有太多事情不理解了，只有繼續聽下去，雪瑜續道：
「因為就係清鋒一直避開蘭，先會發生o的咁o既事。」
「有無詳細小小o既情況呀？」
仲伯開始不安，因為他一直都堅信提出分手的決定理應不是清鋒，因為他知道清鋒一直都也喜歡小蘭。但聽到雪瑜的說話，仲伯
的堅持有點兒被動搖了。
「有日，蘭請我去佢屋企玩，而個日我記得佢個樣好開心，又話諗緊點回覆清鋒o既心意。不過就係我地玩得好開心個時....」
「個時點呀？」
「突然電話蘭屋企o既電話響，佢當然就去左聽，我就坐係到等佢返黎。本黎都不以為意，但係忽然蘭好大聽咁同電話入面o既人嘈
，之後重好用力咁收線。」
仲伯很心急地追問下去，雪瑜看見他那個急得快瘋的樣子，就想笑了，但是又覺得很失禮，又接道：
「之後呢？」
「之後我就問蘭咩事啦？佢同我講話無事。」
「唉....」
「不過....」
「不過咩？」
「不過我之後我幾次追問佢之後，佢就同我講，個個係佢父母係外國打黎o既電話....」
「外國？小蘭唔係同父母一齊住嫁咩？咁佢同邊個一齊住呀？」
「咦？你唔知咩？個個人係你地班嫁喎....好似叫蘇....係呀，叫蘇子龍。」
「o下，咁咪姐係.....」
「姐係咩....」
「細路女唔好知咁多野.....」
「成日話人地細路女，我同你同歲嫁，只係矮你小小姐，死小白，爛小白.....」
戲言了一會，雪瑜終於冷靜下來，續道：
「你應該誤解左佢地o既關系，其實佢地係表兄妹，而且佢地屋企重有蘇子龍o既媽媽係到。」
「哦！」
「真係聽o的唔聽o的。」
「得喇，得喇知你叻女喇。咁個電話o既內容呢？」
「其實無咩，只係叫子龍母子同蘭佢地一齊去外國住。」
「咁又關清鋒咩事？」
「一定關啦。本黎蘭唔想去，拒絕左佢父母o既要求，但係就係因為清鋒佢避開蘭，搞到蘭動搖左留係到o既決心。」
「咁姐係.....雖然真係幾複雜，不過都只有咁先會得出o伊個咁o既結果。」
「咁你信我講喇，係清鋒o既錯。」
雖然雪瑜把事故的因由原原本本的講清了，但是仲伯還有一件想知道的事，問了就會真相大白：
「你係唔係有日問小蘭鍾意邊個？姐係有日坐係學校個矮場到個次呢。」
「邊日呀，我地成日切換人格嫁喎。」
「咁....」
仲伯以為最後都不可以知道真相，就想放棄的時候...
「但係你好彩，個日o岩o岩好係我值班。」
「咁佢答咩？」
「我問佢，你父母同清鋒兩邊，你鍾意佢地邊邊？....」
雪瑜的說話未說完，仲伯就即刻大叫：
「一切都解開喇....」
仲伯很自然地親吻了雪瑜的臉，接著就向外邊說邊走：
「小瑜多謝你呀。」
「個個白痴，又俾佢走左喇，次次都係咁，急住走，不過....」
雪瑜羞紅著臉，輕輕地撫著面上的吻痕，回憶著剛才的感覺..... (不過這個就是第二個故事的事了)
仲伯直奔出去，一直到了清鋒家門前。他按動了門鈴.....
「邊個呀.....」
「『杜仲』(中草藥名稱)黎打救你喇....」
清鋒把門開了，說道：
「又搵我咩事，如果係關於李同學既，咁你可以走喇，我同佢已經完全無關係。」
「你真係唔想知一切o既真相？連佢點解要走，點解唔揀你都唔想知咩？」
「我....唔....想....」
清鋒始終都沒有說下去，在自己最好o既摯友面前說謊是很痛苦的，更何況自己十分想知道。
就這樣兩人一直聊至夜深。 ↓想更有感覺，就開啟以下音樂(如果聽不到就等一等or整下個喇叭)
到了第二天是星期六，亦是小蘭和子龍在香港的最後一天。
雪瑜和仲伯一早就在機場等候，過了一會，小蘭他們終於出現了。
「蘭.....」
雪瑜像是快哭的跑上前，抱著小蘭的臉又道：
「唔好走得唔得呀.....」
「雪....」
兩人都好像快要哭出來了。
過了一會，雪瑜在一直提著的袋子裏，拿出了兩條頸巾，說道：
「係外國覺得凍o既時候一定要用呀，因為我o既溫暖會直接咁傳俾你。」
「多謝你呀雪，你幾時都會係我o既好朋友。」
雪瑜抱著小蘭道：
「你幾時都係咁可愛.....」
仲伯的頭上多了一點無奈的水滴....
「愛哭鬼同樹熊就係佢o伊個人格o既特點，落差真係大。不過清鋒佢重未黎，唔通佢真係唔黎，我應該講左俾佢知嫁喎。佢真係，佢
地就快要上飛機嫁啦。」
這時小蘭他們的飛機開始入閘了，他們也開始準備入閘了。
仲伯開始急了，就向小蘭道：
「小蘭，你可唔可以遲小小先入閘....」
「點解，因為清鋒佢....？」
仲伯有點驚訝....
「原黎小蘭o既洞察力真係咁強，之前清鋒講過我都唔信，今日一見真係....o伊家唔係應該讚佢。」
仲伯就立即接著道：
「可唔可以等多陣，就等一陣好唔好.....」
「咁....」
平時不什麼出聲的子龍終於出聲了：
「你就係o伊到等一陣喇，我同媽媽行先。有o的野係要知道先唔會後悔，而且你都想知賈.....媽媽我地入去先啦。」
「我聽你話係到等一等啦。」
子龍母子就一起入閘了，而小蘭就站在閘前等待不知會不會到來的人。
等了良久，仍不見清鋒的身影，這時飛機快要停止入閘起飛的宣佈響起....
「.....飛機快要停止入閘，請未上機的乘客盡快上機.....」
小蘭搖一搖頭道：
「可能個個人真係唔會黎，不過唔緊要。再見喇，我入閘喇。」
仲伯急得就快發瘋了.....
就在小蘭入閘前，再一次回頭望去，向著雪瑜和仲伯微笑一下，就轉身入閘，在入到閘後，仲伯和雪瑜也一起轉身回家去了。
一切已經成了定局，難道....
「小蘭....唔好入閘，等一陣呀.....」
這時全機場的人也望向聲音傳來的地方，這也包括了小蘭。
只見，一個少年一邊奔著一邊大叫。到最後走到得近了。
最後清鋒最後都到趕上了....上氣不接下氣的清鋒道：
「嗄，嗄.....對唔住，對唔住呀.....」
「你到最後都係遲到.....」
兩人在又開始了互相對望的狀態，而且這一刻，世界一切好像慢了下來，等待著這個重要的時刻....
本來雪瑜想留下來看看這一刻，但是被仲伯拉走了....
「清鋒，你要加油呀....」
兩人對望了一會兒，終於開口說道：
「小蘭，我終於最後都黎到。」
「係，你最後都係黎左....不過太遲喇....」
「無，唔係太遲，而係我o岩o岩趕得切。我只係要你講一句真心話...」
「我愛你....就算係開始到o依家，我都係最愛你....不過....太遲喇，已經無得返轉頭喇。」
「唔會太遲，有你o依句話，已經足喇。我都想講，我都好愛你。」
兩人雖然被閘口分開了，但是仍然被愛所繫上....小蘭又開口...
「你會唔會一直等我？」
「唔會，因為我已經知道左你o答覆，而且，可能一切真係太遲喇。」
這時機場又響起了飛機快要起飛的宣佈.....
「咁...再見喇，可能我地唔會再見嫁喇。」
「唔，咁樣....你好好保重喇，上飛機啦，再見。」
「可唔可以再叫你一次個名？」
「嗯。」
「蘭.....」
小蘭慢慢地步向飛機，在進入飛機前，再一次轉身，向著清鋒輕聲道：
「再見喇，我最愛o既城市。同埋係o依個城市入面，我最愛o既人........清鋒。」
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
第二十章•完《小蘭全篇終》
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
終於完左喇，我好開心呀=.='我要休息一陣.....不過會出外傳，個外傳就係關於古晶、雪瑜、同仲伯三個人既三角關係故事，會點？
繼續支持我咪知囉....拜拜。 |
(用小畫家改的)
