Tｏ　ｙoｕ* 為了不用再苦 強忍著眼水 就算   這世界變成如何 都要堅強地為自己活下去   為了不用再痛 強迫自己喜歡別人   去將你忘記   就算 是一個我不喜歡的人   也好       BY:玲* 2006.1.14  =-=-=-=-=-=-=-=-=-=-=-=- 2006.1.14 4.30 心情真係好差 真係真係極差 第1次俾人鬧到喊 之前就算點俾人鬧都好 我點都唔會喊 但唔知點解真係喊左出黎 不過我知我喊唔係全部都係因為佢 我知頌有其他野令我喊 覺得佢跟本咩都唔知就鬧我 就係前日返到黎 我已經好唔想同佢地講野 但返到黎 就俾佢地煩住哂 佢依家講ｄ笑話 我真係笑唔出 靜係識同佢講 '"唔好煩住我啦"' 我都唔知點解會咁對佢 其實係依家屋企到 我最信任佢 佢叫我唔好做咩 我就唔做咩 有時佢真係管得我好嚴 不過我知咁做 係因為佢唔想我學壞 但有時我真係好辛苦嫁 今日幫牙媽做野 做完 佢又話我做得唔好咁 又話依家唔夠好 果到唔好咁 我果時已經忍住 唔同佢嘈啦 點知佢話我唔出聲 唔受教喎 果時真係好想同佢講 我唔出聲係因為唔想同佢嘈 唔係因為我唔受佢教囉 加上佢一d都唔想我諗咩 我喊 您又知唔知牙!? 我喊左差唔多成個鐘 您又知唔知牙!? 我知我喊唔係全部都係因為您 我知頌有其他野令到我喊 但點解您唔可以安慰下我!? 我返到黎 唔開心 唔出聲 佢又鬧 平時係出面已經唔開心嫁啦 返到黎又要受佢氣 睇佢面色做人 您想點牙!? 又成日拎細妹黎同我比 我知 我冇佢d成績咁好 做d咩都冇佢咁好 但係 您都唔洗咁牙 成日話我發脾氣 我幾時有牙!? 您成日得您講 冇人講 您有冇諗我過牙!? 今日我真係好想走人 唔想再係依個屋企囉 係出面已經唔開心 返到黎 您地一d支持都冇 我唔知係唔係因為我冇講 定係我唔識表現出黎 同您地講 我依幾日真係好煩 唔該唔好再咁對我 係出面 面對d同學 我已經好辛苦嫁啦 但您地連一d支持都冇 咁都算啦 您地係連知都唔知下咁 唔通我都係呆成咁咩?! 我真係好想諗下d開心既野 但我真係諗唔到有咩會令我咁開心囉 之後聽佢地講又話要轉校咁 雖然我唔係咁清楚係邊個轉 但我真係唔想會有任何一個朋友走左 我唔知您地知唔知我唔開心啦 您地唔知可能都係因為我冇講 同埋 我同您地一齊果時 都冇表現出黎 咁係因為 我覺得同您地一齊好開心 所以我真係唔想有一個朋友離開我囉 就算係一個我唔係同佢好熟都好 我都唔想 依家我搵唔到一個我可以信任既人 可能係因為我多心 sｏ唔敢講 有時真係唔想點做好 但又唔知講俾個聽好 可能講左佢地又會覺得我煩咁 所以先唔會講 但真係好辛苦囉 真係真係唔想點做好 好多野屈係個心到 個感覺真係好難愛囉 平時都有安慰下人咁 但我自己就安慰唔到我自己 我真係唔知點同自己講好 可能係因為自己 會自己係到鑽牛角尖咁 不過獨自鑽牛角尖真係好辛苦 我知道我自己真係好唔開心 每次唔開心 個心就會好唔舒適 好似呼吸唔到咁 不過喊左出黎好似比較舒服d咁 但冇一個地方可以俾我喊 我唔想係人面前喊 屋企都可以話係廁所到喊 咁學校呢!? 學校冇一個地方可以喊牙 我真係好想搵一次 一次咁多 大大咁喊出黎 唔洗忍住 驚人知我喊囉 我知 我已經冇以前咁堅強 已經變得軟弱 我唔知有幾多人睇我個日記 加上我唔期望您地會留言 總知 依個日記就係我發洩既地方 如果您唔鐘意睇可以唔黎 我會唔迫您