|
我終於番到香港，離開長洲呢個恐怖既地方！！呢幾日簡直係唔人道的生活。
星期６個日，死人ＩＶＹ遲到，佢根本係一個遲到大王，真係好想打死佢囉！！
幾經辛苦終於到左港外線碼頭，原來已經有好多同學到左架啦。
一個２個係度玩手提，一係就聽ＭＰ３，一係係度食野。
我地成班都係坐豪華位，我地上左去之後．．
個個都係度玩鋤大地，ｍｒ．ｃｈａｎ教我地玩２４點（唔係叫２１點姐咩），
佢仲話我多野講囉！！唉．．真係俾人屈啊，我的青天大老爺啊！！
終於到左長洲，雖然我早就知道到左碼頭之後仲要行一段路先至到，但係真係估唔到係又長又斜囉！！行到個個死下死下。
到左之後，我地聽左Ｄ工作人員講野，上到房ｄ床真係靚到，我寧願訓地下都好過佢囉！！間房真係連桌椅都冇啊＞．＜真係ｈｅｌｐ ｍｅ！！仲有啊，食完飯仲要我地輪流洗碗囉＝＝
之後我地分成５組，我個組係第三組，係Ｄ，Ｃ班混合一齊，個導師係叫ＫａｌｖｉｎＳＩＲ。
一去到就玩埋個ｄ勁有難度既野囉，要我到攀過一個高過我成個頭既野，我係畏高架，我好想放棄。不過真係要多謝第三組所有組員的鼓勵和支持。
之後食完晚飯，以為可以安安樂樂番宿舍休息一下。點知，我地要上後山，真係爆驚囉！！嗚嗚．．仲要係蒙住眼。只可以一個同學做指揮，我終於發覺自己真係有一ｄ左右唔協調，唉．．．失敗！！！
終於可以番房（感動中），我地進行宵夜行動。人人一個杯面，人人有份，永不落空。ｗａｋａｋａ！！有好多人係我地間房出出入入，真係好鬼死熱鬧啊！∼我要和佢傾電話啊＞．＜．．
有一ｄ真係要訓教啦，不過我係一個名副其實的夜貓。所以我＋ｇｉｇｉ＋珍珍＋ＩＶＹ＋賢囡＝通宵團，係度傾下計，佢地真係大聲，所以我地出左去走廊一陣，不過唔知點解有一ｄ怪聲，搞到我地心驚驚。死番入房ＬＵ。
到左第２日（即係今日）》，一早俾一"省"左一大餐囉。原來係因為尋晚其中一間房既女仔，係房出面玩，仲騷擾埋其他人（因為ｎｏｔ ｏｎｌｙ我地學校．．．仲有應該係一ｄ中小學老師入營訓練）個班老師投訴囉，而且話我地講野好粗，姐係串咀啦。俾人鬧左勁耐啊。好彩唔係我地班！∼∼ＨＡＨＡ
我地玩左信任天梯，個個都好驚。因為個天梯只係靠２個同學。唉！！
| 
