今日，陳sir印左一份野，上面寫左好多佢覺得侮辱既說話。我地睇到之後非常不滿，因為講一句就要記一個小過，講三次，就要踢出校，仲有好多都唔算粗口啦，數盡佢咪得兩個。我地最唔甘心就係只係我地班要遵守，所以有好多人都冇屈服。第一個小息，我地唸住搵校長申訴，我地好有信心一定可以剔除lee d 不公平條例，我地企晒係office門口，陳sir見到我地企晒係道，從佢既眼神睇到，佢開始有d驚，不過校長要下午先返，真係算佢好采。    中文課，我隔個位又有大調動，ty又搬走自己一個坐，跟住我又係自己一個坐，真係黎得快，走得快，我同佢都坐唔夠兩日又要走啦~~~    lunch過左之後，又上陳sir堂，佢改左份野，由"老師"改左做"我"，佢都計得盡，如果我地攞住新果份搵校長傾都未必受理，佢仲要迫我地簽名表示同意，佢一定要我簽左先比我地離開課室，即係係咪都要同意，仲點向校長申訴，簽完之後，仲要一次過讀晒所有佢認為係粗口出黎，我地由星期一開始就失去自由，一唸過就把鬼火 . . .