2月17日
正正式式咁結束左我中學的生涯
7年的中學生活真係話咁快完

當年的唔知頭唔知路的一個小伙子
自己一個走入校園
一個完全陌生的環境...
之後係到與一班小學因轉校問題的好朋友重逢
世界真係細 =]
只可惜4年冇見  大家的感情都穿疏遠了......

幸好得到了一班好玩得o既1d班朋友
馬仔 震機  x man 大袋 真係正爆
最有印象都係震機騎馬仔 之後爆頭.....
真係冇野講...明知自己高 仲要係班門口玩d咁o既野 傻仔 哈

到了中二 成績好關係 升左去2r班
入到去又係另一班新同學=3=
個個都唔識o既 好在有一個死黨xd
唉.....個年d成績真係同中一有超大對比
係班到考到一半排名..... 讀書班真係讀書班 d人真係勁d
不過呢呢年又比我識個好知已 同一個膠人
同個膠人一齊發膠 中文堂對住e芬搞事
最終搞到比e芬玩番轉頭
要我讀一篇唔知咩野
d音難讀到呢=="
我地又膠到冇野做打課室後面個board
唔知而+d凹陷的地方仲係唔係到呢 he
不過都過左咁多年  歲月飛逝 都應該唔見左了......
ar! 仲有學校唯一的一次打風 之後中午放學
ha 放左學之後咩事都冇 冇風冇雨 咁就多左半日假lo....

中三___3s班。
選科年，要決定我的前途?
傳統文、理、商班  我揀邊一科好呢......
一心都好想入最大競爭的理科班
45個位 我應該得掛......
可惜的係 呢一年一直都受到困擾......
成績一落千丈 
地理2次唔合格、中西史離開了八成、英文又係final唔合格!!!
就只係為左一個人而咁 值得嗎?
不過到了而+  我都唔會後悔當時的決定
愛情冇話值唔值  沒有後悔才重要......
哈 我可真是一個痴情傻瓜!

經歷左一年的失敗，總算比畀我入到商科
經濟 會計 地理......
地理? 我之前肥左2次果bo....仲要黎=3=
4d 5d 班 高太+謝sir 兩位班主任!!! 超鐘意你地=3
起初以為兩位老人家  呢兩年真係會悶死
中文堂時時訓覺  因為高太d口材太勁了.....
數學堂=自修堂  可能係因為謝sir教書方法我唔多like掛
不過可能因為咁 搞到我同班fd鬥快做數 快佢幾課
最終會考數學失手都可以冇個c番到黎 ~.~
好懷念大家係個兩年的時光
大家一齊係課室 溫書 打籃球 彈錢 哈
幾白痴o既game都玩餐死
完全無視會考咁 真係好開心