愛吃不愛脂肪的夏沫

呵呵~~又有一個藉口去食好野~
就係我同蝦子餅拍拖 6 週年既大日子~
我地已經好耐冇一齊專登出去食餐好架啦~

好開心蝦子餅找了一家餐廳和我去試食~
可能好多人都食過, 不過都介紹下啦~
我地六點幾去到灣仔個間, 環境清靜, 可能時間尚早, 客人不多~

 

龍蝦湯, 好味啊~



頭盤是巴拿馬火腿配哈蜜瓜



蝦子餅的頭盤是法式煎鵝肝
鵝肝好CREAMY~外脆內軟~好味~



夏沫點左牛柳配大蝦~
隻蝦超級好味, 好鮮好爽口~
得一隻真係唔係好夠喉~嘻嘻~~
牛柳尚算好味, 肉汁美味~
喜歡的還有配菜, 有蘿蔔, 薯仔同蕃茄~
蕃茄上有青豆, 最是夏沫至愛~



蝦子餅叫左燒鴨脾~
鴨脾超鬆化, 刀還沒用力, 肉已鬆開, 不用切~
不過覺得咸左少少, 職員好耐心解釋因為鴨脾已腌了一段時間所以入晒味~
配菜是一樣的~



最BUY都係D甜品~
橙酒煎薄餐~真係勁好味~
薄餐加上微微香橙既味道, 食完好開胃, 仲有種開心既感覺~
反之唔係好感覺到酒味~
因為煮完酒精已蒸發不少了~



意大利芝士餅~
雖然賣相麻麻, 但係第一口食左, 就停唔到口, 想食晒佢~
好味之餘有口感, 內裡有手脂餅, 啖啖有驚喜~



蝦子餅另外叫左杯紅酒配鵝肝飲既~
不過唔記得左個酒名, 大概$100一杯左右~



最後, 俾大家睇下夏沫去慶祝既 LOOK~哈哈~
朋友們話我勁瘦, 其實只是您們看不到我的脂肪咋~