美景佳餚中秋夜~德國餐廳 Wildfire
年年中秋都會同一班朋友BBQ, 今年有了蝦子餅就同班朋友去左西灣河慶祝~
夏沫好耐冇同蝦子餅出去食飯, 所以份外期待~
今晚去左西灣河既 Wildfire
好鍾意餐廳既環境, 臨近海旁, 伴隨陣陣海風，的確寫意。
第一道菜我們點了德國香腸拼盤配酸椰菜, 配備芥末籽醬及芥末醬
德國香腸拼盤有肉腸、羅森伯格腸、紐倫堡腸及慕尼黑白香腸，
款款香腸都很美味仲配上夏沫喜歡既薯仔
酸椰菜用黎中和肉腸的滯膩, 朋友仔非常喜歡吃
不過呢度既飲品真係麻麻地~夏沫叫左一杯Apple Green
飲落解唔到口喝, 好似飲緊泡咁~
男士們就點了德國啤酒, 佢地話充滿麥味好香好滑
夏沫飲完一樣再點另一杯, 今次試下 Mango Deluxe
將芒果、菠蘿和橙汁跟梳打水混合, 味道還可以, 冰涼消暑, 但有點甜
勁喜歡食西餐既夏沫, 當然唔少得叫個薄餅試下
今次點了一款簡單餡料的薄餅
呢度既薄餅全部係薄批, 但係食落唔算薄, 香軟卻帶柔韌, 餅皮又薄又脆
麵團搓得不錯, 香口既芝士先係精華所在
輕力拉開, 已見結成絲狀的水牛芝士, 充滿香味,
薄餅醬汁剛剛好, 咬落去FEEL到醬汁混合芝士既味道, 又未之於流出黎,
而且不太油膩, 今餐最好味既選擇~夏沫推介~
咸豬手係我地黎呢度既目的
皮脆肉嫩, 皮脆得黎有點硬, 肉質好嫩, 如果可以再咸D就更可口
特別喜歡伴菜薯茸, 好滑
本來一開始就想叫既燒春雞, 初時賣晒, 後黎侍應話返左貨
就叫黎試下, 唔...有點失望, 唔知係咪我食既位置剛好是雞胸,
雖然未至於「鞋」,但覺得好乾身~食左兩口就不想吃了~
呢間餐廳最好係可以坐好耐, 成班朋友吹水傾左幾粒鐘,
但係我地個日中秋正日, 雖然好忙好多人, 但服務又OK喎~
但係男待應就非常好服務, 仲記得我地提過想食燒雞~
有興趣既朋友可以去試下, 有幾間分店架,
可以上openrice查一下
西灣河鯉景灣蘇豪東太康街45號2B-07地下
2261 2999
星期一至六: 12:00-02:00
星期日及公眾假期: 11:00-02:00
謝謝大家來看夏沫的文章啊~^^~
您們的每一次閱讀都是支持夏沫的原動力啊~
覺得好既朋友, 推薦一下, 支持下~謝謝啊~^^~
|
