今朝一早我同二哥比大哥叫醒,

 去同岩岩由美國飛番黎既芬姨飲茶.

 個陣我同二哥諗住飲完茶,

 就直接同小時姐姐去葵興電負離.

 但因為呀蓮姨,

 舅母仲有我最討厭既表哥都係度,

 所以無禁容易離開.

 而且我發現我唔記得左帶手提同銀包呀!

 所以一定要番去攞,

 好彩!芬姨臨走比左500蚊我地三個分.

 番左屋企,又出過去,

 再搭n耐地鐵先到葵興.

 [葵興],聽個名就可以知道有幾落後呢!

 之後又要行好耐先去到個間好隱蔽既Hair Salon,

 佢地搞我個頭足足搞左成6個鐘頭,

 我就坐足6粒鐘,

 真係好辛苦呀!

 又要搽野落D頭髮度,

 之後再用保鮮紙包鬼住我個頭,

 跟住將我個頭攞去焗,

 佢仲要整多次,熱到痴肺!

 間野叫做{專業Salon}有8個髮型師,

 除左一個係30幾歲之外,其餘都係20幾歲.

 雖然係年輕姐,但真係好專業呀!

 我個頭除左個個30幾歲無搞過之外,

 都比其餘7個人搞過!

 每一個都[掂]呀!

 而且只係240蚊,我樓下299呀!

 整完之後都差唔多7點囉,

 所以二哥同小時姐姐就好慘啦!

 要行街行足6個鐘,

 小時姐姐尋日番工仲扭傷左隻腳添!

 希望佢快D快D好番啦!

 之後小時姐姐住既地方就係葵興既隔離葵芳,好近!

 所以佢話自己番屋企,

 我同二哥搭38號巴士,

 總站就係我屋企樓啦!

 番到屋企,好奇怪!

竟然開左冷氣喎,牙媽又好忙碌咁,

 原來芝麻頭會黎食飯,唔怪得啦!

 11點大哥話就話送芝麻頭番屋企,

 但竟然仲行緊街!唉……

 我同牙媽講話攞張成績表比佢睇,

 佢話好倦,等學校派番個陣先睇喎!

 最後大哥幫我簽左名,

 我終於可以正正式式放鬆啦!