今日8點半度,
我,舅母同Circle就由這裡既深井搭巴士搭到去金鐘站,
然係去買Ocean Park既票,
再由金鐘搭629號巴士直接去Ocean Park,我地係山上落車. 1. 我同Circle玩名叫”滑浪飛船及水炮射擊”,
基本上係=激流,最後衝落個下濕晒!
2. 我地三個跟住玩”太空摩天輪”,只不過倒轉係咁轉.
但舅母玩到想吐,除左之後個個機動遊戲,佢想玩之外,其他佢都唔想玩 3. 跟住玩”越礦飛車”,姐係=過山車,
這個D路軌無倒轉,所以我先至敢玩,
我咩機動遊戲都敢玩,但會倒轉個D過山車,我就唔敢玩!
這個過山車只係上上落落 4. 之後我地去”太平洋海岸”,睇海獅同海豹,
佢地勁勁勁可愛呀!我仲影左好多相添! ! ! !
5. 跟住我地去左食熱狗,補充體力. 6. 然後我地去左Ocean Park新興建既水母館,
名叫”水母萬花筒”,係裡面有好多塊鏡,
令到個水母館好似好大咁!
但D水母真係好靓,好優雅!
7. 之後又去左鯊魚館,
雖然話就話係鯊魚館,但裡面仲有魔鬼魚等等…
這個鯊魚館仲可以穿越鯊魚館既水底隧道,
就好似係個海裡面同D鯊魚游水咁,好得意!
8. 跟住我同Circle就去玩”飛天鞦韆”,姐係鞦韆升起之後係咁轉 9. 然後Circle想玩個個”瘋狂過山車”,就係我唔敢既過山車,
但我想玩跳樓機,但佢又唔敢玩喎!
所以我應承左佢玩過山車,佢應承左我玩跳樓機.
但我竟然玩到喊,因為真係好多人驚呀!
我玩個陣一直都係低頭閉眼,但每當我睜大隻眼,
過山車就準備衝落去或者係倒轉!
這個係全香港最長既過山車,真係唔可以睇少!
10. 之後我地玩”沖天搖擺船”,姐係=海盜船,一D都唔多人驚,只係係度搖下搖下. 11.跟住玩”極速之旅”,姐係玩跳樓機,我係第一次玩嫁!
Circle佢諗住[縮沙],但舅母話應承左人就要做,所以舅母都唔救佢!
大哥係短訊都話佢同芝麻頭都唔敢玩!
個跳樓機既設計係正方形,每條邊都有三個位,
我坐最出,Circle住中間,佢旁邊仲有個姐姐.
大約50幾層高,玩個陣,佢地兩個驚到係咁亂叫,
而我一D都唔覺得驚,反而我覺得非常舒服,
我由上望到下,好涼爽!落到地下,
我隻右耳比兩地兩個D叫聲搞到暫時聽唔到野!
Circle仲驚到一直係咁喊,
佢話美國個個跳樓機得香港既5份之1.5度!我仲見到有個姐姐都玩到
12. 之後再玩”翻天飛鷹”,差唔多又係咁轉,不過就係高D既地方轉姐.
13. 然後我地坐纜車落去山下.
14.去到山下之後,
我地去睇”威威至激之旅”,係透過搖擺座椅同特大銀幕,
由Ocean Park既吉祥物家族帶領下去到海洋游水,
恐龍世界飛行同係Ocean Park度飄浮,超好玩,玩到勁high!
15. 跟住就去”香港賽馬會大熊貓團”睇安安佳佳,
安安就訓緊覺,而佳佳就係度食緊野
16.然後去睇”恐龍足跡”,有D無聊既感覺.
17. 最後Circle話要去睇”金魚大觀團”,
其實我已經唔想郁,我隻腳行到好鬼痛呀!
離開左Ocean Park之後,
我地就去西灣河同Circle既公公婆婆一齊食飯.
番到屋企,
即刻仆去沖涼洗頭,
之後一邊食雪糕,一邊用按摩機按摩緊對腳,勁舒服呀!
|
