今日小終於都可以黎睇碟啦!

 我地睇個套係{魔幻王國—獅子.女巫.魔衣櫥},

 真係好好睇呀!

 之後我地陪我呀媽買野食,

 我發覺佢地兩個好鬼多野傾,

 成日都係度吱吱喳喳!!

 番到屋企我好舒服睇電視,睇到11點幾,

 田乂如突然打電話黎,

 仲講左個我唔想聽同唔想知既消息比我聽……

 佢同佢D friend係佢樓下個公園傾計,

 傾傾下佢見到呀星同一個女仔拖住手好親密咁行去翠松,

 佢仲見到佢地係度……

 因為田乂如住既地方同呀星出沒既地方好近,

 所以成日撞到佢都唔出奇.

 我同田乂如由小學一齊升上黎,佢係唔會講大話,

 但就正因為咁,我找唔到籍口去逃避.

 其實這些事都已經唔係第一次,

 只係我每次都去找籍口,

 每次都扮睇唔到聽唔到.

 係五年級開始我明明已經有定心理準備,

 但個心仍然都係有D野壓住我心口,

 好唔舒服同好唔自然.

 話無感覺就係騙人,

 但真係好難受……

 原來感情這樣野,

 當只係A鍾意B個陣,A對B既愛係絕對唔會變.

 但當佢地都鍾意大家既時候,

 當唔聯絡對方,唔見面,唔傾電話個陣,

 雙方對對方既感情都會慢慢變淡……

原來感情係咁兒戲......