"期待已久"既潘老師婚禮，今日終於來臨啦!

以平時既我黎講，我都唔會咁期待，但係潘老師作為我地既班主任，

佢得到愛情既"滋潤"，心情一定好好多，咁樣對我地都有好處，功課就會少好多好多啦..

去潘老師婚禮之前，我都要打波，打打下波，食波餅，痛..

兩年都改唔到"接手"呢個習慣，慘~ 本身就係12:00放，但係我地11:25走人，

因為要去潘老師婚禮，仲有時間，就係富亨買左三支原子筆，跟住即刻趕番屋企換三，

約埋郁曉睿佢地係"食棧"食lunch，一路食一路討論黎佳佳以前中意邊個，原來個個係某某人，估都估唔到呀!

文慧怡好廋，食量都係想像中一樣，淨番一半炒飯冇食到，我唔想睇住D炒飯咁就倒曬，

隔硬將D炒飯塞落肚，飽.. 跟住嗒307，嗒車傾計.狂笑，笑到胃痛啦，早左落車，係三號碼頭落左，

搞到要半行半跑咁過去八號碼頭，到左潘老師婚禮地點，一開始未入去個陣，係度影相，

入到去，睇佢地行禮，有"精彩"照片睇呀!

黃老師手裡面既係花球，拋之前已經通知左醒班男仔幫手搶，當然梗係我地搶到啦!馮成成都算勁啦，搶到花球，佢夠高嗎~
大家都多謝佢啦! (  其實我覺得黃老師個日仲靚過潘老師 )

想嗒車去沙田，但係最後都係決定番歸，搞到黃婷又要再買過飛，係車上面個個都討論潘老師今日點點點，

番到大埔，嗒K17，同文慧去左海洋睇紀念冊，好想加紙，但係冇我個隻，又想買過一本新既，唔知點好。

夜晚食飯就冇曬胃口，事前我又冇食D咩，但係就冇曬胃口，食完飯，上qooza，睇左Pid個blog——"About My Sister"，

睇完，我都唔知係咩感覺，個心好亂，你話我睇完你個blog會連環轟炸你，但係..我冇，

我知道我平時係屋企同係學校係好唔同，好做作，但係我控制唔到我自己，我都唔知點解，

我自己都好想係所有人面前都表現我自己真既一面，但係我驚..我驚我講左之後佢地唔會認同我，

話我呢樣唔好，個樣唔好...可能係人地面前做作就係我既性格，我好想改..好想..好想.. 但係我唔知點改，我知道自己既任性，

我知道自己既野蠻，我知道自己既不足，我會盡力去改，但係我都會保留自我。

我當時冇理到你，係因為我個震喊緊，我唔想俾你見到，我知道你係為我好，我罵你，呢個都只係我既性格，

我所講既說話係唔經大腦，我希望你明白。我想同你講對唔住，但係有D野真係好難講出口，我唔知點樣同你講，

我好想我每一句說話都唔會hurt到人，但係我就係唔知點先算係hurt唔到人，我又想講真話，因為如果一個人太虛偽既話，

咁做人又有咩意思呢？在此...我想同你講一聲對唔住。