尋日講左今日會去攞腰骨報告，
咁當然會去啦！(我好無聊)

朝早去，個醫生話我條腰骨基本上冇咩變過，
(我條腰骨係歪歪地)好開心呀，我又高左，
又輕左，不過醫生又話已而家既年紀同高度，
上到中學會高慢D架啦，呢度我反而有D唔開心，
因為我唔想生得矮，唉~~冇計。

之後唔想咁快番學，而且係同老師請左半日假，
咁就番屋企先啦，因為我平時番屋企個震，
都會經過個商場，入面有間零食店，
我習慣咁行左入去，我同個呀姨都算熟，
個呀姨就問我︰你今日唔使番學咩？
我就話俾佢聽我今日做咩唔番學啦，
而呀姨就話好多小學生都會俾D醫生話佢地條腰骨有問題，
要去做檢查等等。呀姨仲話唔使驚矮，
因為遲D係中學都會高番喎，嚇得我呀！

到就黎食飯個震，我先番學，我費時上個煩人許老師既堂，
就係咁，我番到個震已經落堂，太開心啦！咁岩係門口見到馮成成，
一入門口佢就大叫︰陳家西！pudding(當然叫真名啦)番左黎啦！
跟住我就當佢地兩個透明咁行番入位，相信陳家西好開心，因為我番左黎，
(解︰陳家西係...的)

(回正題)
食飯時間，我平時一盒飯都食得曬，
仲要係超有胃口，但係今日太遲食早餐，
差唔多10-11點先食，當然我唔係D食極都肚餓既人啦，
所以我係一啖飯都食唔落，我又唔想太浪費，
格硬食左半盒，就黎飽到嘔。

周會，俾我地整班徽同練班口號，
聽日就係陸運會，學校先會咁好人俾我地整，
唔使我地聽D無聊周會乍，次次都會聽到訓著既周會。
今次班徽同口號總算搞掂，辛苦曬啦！各位出力整既同學(包括我，不過唔係好盡力)。

之後放學lo！=]
今日好特別，我陪左魚蛋行富亨，
平時我係行怡雅苑個邊，今日就陪左魚蛋行啦！
馮成成都係行呢邊，仲有薛錦鴻等人，
佢地就對我講今日你番左黎真係好，(薛錦鴻坐係陳家西前面，馮成成又係陳家西既朋友)
你未番個震，陳家西成個黑面神咁呀，
你一番左黎，佢就成個人開心曬呀，
當我聽到呢一句，我起曬雞皮仲要係無奈咁起添！