今日下午係牧童笛比賽啦，

我同FishBall就加緊練習啦。

係伯伯堂個震，我地就夠時間出發，

我地係小息之後一直練到伯伯黎左一震先番入去，

但係番入去並唔係上堂，而係執野走人，

但係因為入去個震冇敲門，呀伯就話我地冇禮貌，

跟住要我地再入多次，要敲門個隻，

但係又唔出聲話我地兩個知係咩事，淨係係度嗌︰出去! 出去!

鬼知佢想點呀，都低低地既!

之後講兩句未算lor，使唔使訓三十幾句話呀，

煩到死，趕架!

之後去到場地，上一場比賽既人仲比緊賽，

所以我地淨好多時間練習。

但係離比賽時間越近，FishBall就越緊張，

我反而幾輕鬆喎，可能因為我唔care掛~

到比賽個震，我心裡而有些少怯，

但係我都盡量吹好。FishBall就吹錯左一個音，

但係後面都冇甩音，今次既表現都算ok啦!

我反而覺得之前練得仲好。

跟住攞分紙，75分，結果都冇8字頭，

算啦 ! 吹到咁，係差唔多架啦。

之後係火車站附近食lunch，我同FishBall就諗︰

我地班個D應該上緊音樂堂，我地就係度hea..

呵呵! 偷笑中...

番到學校，行緊樓梯個震就見到卓Sir 帶住我地班下禮堂上體育堂，

就跟班隊落去，打羽毛球>悶左D bo.

跟住求卓Sir俾我地打排球，卓Sir俾，

之後排球隊全部沖曬去打，呵呵...

可憐的要打羽毛球的同學們...

打波個震，馮成成short左，

咩波都用上手，咩波都搶，嗒錯線?!