今日,又係星期六啦

我又好開心咁返學校練波

練波期間...

比個周健邦果條傻仔

係到嘈...

一去到佢就話

:「咪玩啦!你都唔識踢波就咪返黎啦!」

果陣我就話

:「無啦啦做乜話我?」

之後有條友就彈左出黎同我講

:「我警告你!咪係到惹事生非!」

我好無奈咁話

:「下!係佢話我先架bo...」

佢就好大聲咁話

:「你問下人囉...你再嘈我打柒你!」

由於呢個人係高年級既...

我唔敢出聲...

又係我的錯嗎?

又有一次...

有條友叫做馬嬲

佢就好串咁話...

我比你射一個12碼...

我守...

我包你一定唔入...

我一踢...

中左佢隻手...

入埋!

佢隻手當時就好痛啦...

就係到喊

:「好痛呀!救命呀!」

之後d人就禁住我扮哂野咁話

:「你咩事呀!你咩事呀!道歉啦...你明知佢擋唔到你做咩要射呀!」

好無奈囉...

又係我錯?

好啦...

返到屋企...

我就去左沖涼啦...

我老豆就彈出黎話

:「咁早你沖咩涼呀...係到哂水!」

我就話

:「岩先打完波...成身汁...咁臭!唔洗沖涼?」

佢話

:「總之你咁早沖涼就係唔得!」

我又好無奈...

唔通又係我錯?

好啦...

到左食飯...

我食飯食慢左少少...

我老豆又話

:「你今日做咩呀...食飯食得咁慢...你係唔係又係岩先係出面食左d咩?」

講完呢句之後就一把打埋黎...

我就好嬲咁話

:「大佬!你都扣左我4個月零用錢啦...我邊有錢買野食呀!平時我食快少少你又要係到嘈...呢家食慢少少你又係到嘈...你想點呀!」

之後佢又一把打埋黎話

:「博咀?你係唔係想死呀...我係你老豆...我話咩就係咩!」

我又好無奈

唔通今次係唔係又係我既錯呀!

好啦...我食完飯7點半

我去沖涼啦...

我老豆又彈左出黎話

:「你咁夜先沖涼...係唔係想死呀!」

我今次無博咀...

我心諗

:「唔通今次又係我既錯?」

我真係覺得我生存係呢個世界上面係岩定錯?

有無人可以答我?

我發覺原來我做咩都係錯既...