琴日大洗,,勁好玩
只係掃下地,,拖下地,,刮下地咁
刮完地之後,,阿漢叫我鎖門喎
但我鎖左十世都鎖唔Q到
我發覺我鎖咩門都係咁樣,,柒左
最後都要柏川幫我
到兩點幾鐘拉卡收工
之後諗住等埋D龜,,所以留低hea
勁多人同路囉,,唔該~可以齊齊返屋企
龜明超賤,,一路係後巷洗冷氣框,,一路煲煙
洗完之後,,要放返上去啦
比我地發現左原來蝦條成畏高
一路睇住佢腳震震咁,,超好笑
辛苦尼?!我知呀..又唔食特強必利痛...哈哈
蝦條成專搞埋D死人爛GAG
之後馬田中左不銹鋼
真係要買定十幾廿對手套帶係身先得
拎個DD野都可以中降?...超恐怖
有兩條白痴仔拎D盤黎當球拍打羽毛球
原來都OK有技術咖噃
下屈奧運就靠你兩條蛋散啦
到3點幾先同阿明,,阿成,,馬田飛的閃
本來諗住我請搭的嘅,,十幾廿蚊野,,濕濕碎啦..唉
但一上的士,,阿成就比左十蚊我...哈哈...
好似上次去會所咁囉,,最後仲有幾蚊落袋添喎
第一站係頌富天悅,,本來係話OK出面
去到,,阿成又話前D,,之後阿明話"呢個唔比10蚊唔得啦"
哈哈...頂...個司機聽到都笑左
跟住同阿明,,馬田吹M記D人嘅情事
真係好似蜘蛛網咁複雜囉!!
最後去到天擇7仔落
蝦條明對70幾蚊嘅拖鞋爛Q左
唔怪得你話自己大洗啦
70幾蚊一對咁嘅拖鞋
返到屋企岩岩好四點,,準時收工嘅時間
七點幾滾左起身,,頂佢,,個死人鐘唔響
好采不嬲都諗住七點醒
之後返學校補中史
因為一個F.2嘅學生暈左,,搞到哂左我地19個人嘅時間
補到11點9閃水,,3個齊齊諗一陣食咩
聽日教甲午戰爭
彷佛愛情懸浮 微風吹便飄走 明天要分開走
任我再不妄想 阻不到夢游 情份易放不會收
<<End |
