個Blog荒廢左好多日 今日終於有機會一次打番曬

先講前戈幾日,星期三去學車,學學下落大雨...個師父又唔知去鬼左邊

我又唔知d雨衣係邊,唯有繼續學...最後走戈陣成身濕曬 仲要係連貫公路戈度等巴士

戈一刻真係饑寒交迫...超想死...千辛萬苦終於死到番屋企...好彩冇發燒

星期四由於要畢業彩排,加上有d攰,所以就唔去學

星期五繼續...去到攞車,如常練習...戈堂係我第6堂

我開胎去打平地8字...打打下又唔係想像中咁難

之後,我見到有個人學學下仆左街...我心裡仲有d想笑 但萬萬估唔到......(一陣你就知)

我去左其中一個8字到打...戈度原本得二個人,加埋我姐係3個

分別係一個男仔同一個呀e...兩個都開得超慢

搞到我要狂殺制....超攰...之後又加多個人...4個人一齊....迫到狗咁...小d技術都唔得

問題就係:我第一堂打8字...個阿e同個男仔都係廢廢地

但經我努力化解左好多次危險,但最後臨走前,終於有個彎我殺唔切...同個男人炒埋一齊

我成部車瞓低左...好彩人冇事...

但係......  個師父又bed臭我 話我撞散佢部車

算...我忍........

今日下午去考科大...我叫左樂哥車我去...點知佢又冇雨衣,我唯有買埋行去佢屋企

跟住同細妹會合...一齊出發

點知過橋戈陣...又於我個頭盔冇面罩 d雨打埋快面,超爆痛,好似比針吉

加上超大風,超恐怖ah...就係我比針吉其間...佢兩個不停問我點行點行...兩個渣車ge人問個坐車ge人

搞到我要好辛苦咁張開隻眼,唉......

其間,我地發現雨衣對下身真係冇咩用 下身全軍覆沒 包括鞋入面

結果,要著住對濕ge鞋考4個鐘試...攞命,科大超凍

番到屋企, 打比兄弟們..佢地話今日落雨,唔去影生活照了...

SO,今晚留番係屋企睇"門徒" 休息休息

聽朝樂哥話唔落雨,先渣車.....經過今日真係有d恐懼...