琴晚同姜維去左水m溫澳大數學 溫左3個鐘都唔知自己溫左d乜
不過食左個足三兩...味道唔錯 不過食左大半之後就唔想食 個包真係好大
番到屋企繼續溫...之後同W小姐(她是我的老婆大人)傾電話傾到3點
第二朝9點鐘比手機鬧鐘嘈醒左...因為我要睇明珠台ge NBA 直播
洛杉磯湖人 VS 猶他爵士 Game 4 高比拜仁上左身,一人攞左38分... 睇到我呆左
最後湖人贏108:94 哈哈...好開心 之後11點幾開始瞓番
岩岩入睡老媽打比我 ...佢話唔番黎煮飯,中午自生自滅
我見兩個家姐都未醒 所以冇理,繼續瞓...瞓到1點幾,我聽到佢地醒左
之後就勾引佢,成功氹到佢煮面比我食
食完就簡衫去interview...左簡右簡最後著左件恤衫外加冷衫,下身牛仔褲
行到去新馬路 頂 冇帶IC咭  所以唯有行路去
路上見到唔少賣旗ge人 我身上最散戈張都廿蚊 ...但奇蹟冇人搵我買旗
去到係15:45分左右..我in ge時間係16:05分 我本來士氣非常之高漲
但d人話e加先in 緊第10個,照推算,一個人要6,7分鐘...我咪........
結果,等等下,我由唔驚變驚 最後17:15分先到我...超無奈
入到去,個鬼佬同我in  當然係全英對話na!!
第一:問我叫咩名
第二:問我點解想讀戈個專業
第三:第日想做咩
第四:比左條問題我"賭場ge好處"
第五:問我最尊敬邊個名人
第六:想唔想成為名人
第七:想唔想自己開公司
開頭戈d都冇咩特別...不過我都覺得自己答得幾流暢
戲肉係第5題,佢問我最尊敬邊個名人 我答佢蓋次
佢問我點解 我就吹左輪水,又話佢鐘意捻野,鐘意創新,一手一腳建立公司,最後成功
之後佢就接住問我:Do you want to be a famous man?
我就答佢:Sure, If I have a chance.
跟住佢又問我:Do you want to set up a company like Bill?
我又答佢:Yes, Sure!!
最後佢笑笑口咁講: That's a good idea!!
番出黎之後...我感覺都幾唔錯,心情都舒暢左好多
冇IC咭 又要行番屋企...又一次濕身
多謝老婆仔係我臨考前sd mg support我...錫哂你 |
輸左兩盒朱古力奶
高三乙 真係變態
千辛萬苦終於死到番屋企...好彩冇發燒
話我撞散佢部車
