今日真係多野搞~~~

慢慢黎，逐件事逐件事記低佢......

首先係班主任時間，Miss Tang 帶我地一齊唱詩歌。（我硬係覺得首歌好耳熟，唔通我之前聽過？）

Miss Tang 叫呀朱幫佢彈吉他，呢位首席吉他手彈唔慣 Miss Tang 個吉他，所以出動「私伙野」。

呀朱永遠彈吉他個陣個嘴都好搞笑 XD

頭兩堂係上 Physic ，個位自稱識輕功 ge 超人── 郭 sir，竟然比支咪戲弄......

話說當時郭 sir 拎住支咪講野個陣，個喇叭無端端發出「Bom Bom Bom」ge 聲音，

郭 sir 唔講野又冇事，但偏偏當佢重複句野，講到差唔多同一個位個陣，個喇叭又「Bom Bom Bom」。

之後郭 sir 整兩整，個喇叭就變成「Bom」極都唔停，所以郭 sir 索性唔用咪。

至於同我同檯 ge 呀朱同呀水就猛咁講以前 ge 卡通片同 game，

Kai 佬仲勁，訓埋添！

接住落黎係兩堂 Maths ，要 Quiz......

份卷題題都得個一兩分，但係又比幾行我地寫答案，都唔知搞咩。

等我仲以為我題題都唔識，原來人人都差唔多。

Biology，同王雞仲有翟 sir 一齊分享大家發過 ge 特別夢，結果係我發過 ge 個 d 夢最搞笑。

呀係~肥富比黃 sir 見到佢玩電話......

Lunch 同伍祈豐佢地食，無奈地發覺原來嚴以律打呔打得咁搞笑。

食完飯番學校做 d 類似口試練習 ge 野，拎住張紙讀比個 TA 聽個 d 。

我竟然讀錯字！我讀得快過頭，將「到底人類應如何......」讀成「到底人類該如何......」，

因此停左一停，再讀番正確個句。我太失敗啦，之前明明猛提自己唔好讀錯應做該，偏偏就讀錯。

TA ge 評語係：「唔錯。好流暢。等我講左你有 d 咩做得好先啦。你讀音都幾準，而且好有新聞報導 ge 語調。

呢篇野的確係要咁讀 ge。不過你就讀錯左一個字，停左一停，如果唔係咁 ge 話，你讀得都近乎完美 ga 啦。」

近乎完美？話晒我都係「全班讀音最準 ge 同學」黎 ga 嘛 XP

放學開班會，之後上左翟 sir 屋企，打左陣麻雀，四局贏三局。勁！

跟住去市中心搵 華 Dee，途中有一段有趣對話......

大堆廢話後，

我：潘加信中意密瓜

潘：唔係呀

我：梗係咁係！潘加信中意 Melanie

潘：唔係呀

我：梗係咁係！潘加信中意梁靄靈

潘：都話唔係

我：都話唔係中意，係愛

潘：唔係呀~屈機

我：你已經愛到泥足深陷

潘：冇錯

我：......

點解佢會咁答呢？真係耐人尋味......

後來去左定福，申請埋做會員，會員編號係── 0060 （IDD）

溫左陣 Physic，走人！