今日尼團開組好特別，本黎應該係查經 ge，但係慧兒話想大家多 d 分享 ge 時間，於是叫我地落 Hall 下面，搵一 d 詩歌黎分享。

首先，第一個分享點解佢會揀個首歌，之後一齊唱，然後有感動 ge 就分享感受，跟住到第二個，如此類推......

一開始勝存分享都冇嘜野，之後到呀朱，佢話佢由細個開始已經冇呀爸，欠缺左父愛，講下講下喊左出黎。我講左一 d 分享作回應，我覺得自己一直都唔珍惜自己 d 家人，冇嘜關心佢地。跟住小白分享 ，佢都有喊，佢話自己做得未夠好，唔係一個好基督徒。跟住到王碧裕，聽完佢分享個首歌，我就分享一 d 自己屋企發生過 ge 事，有關父母鬧大交（個次 OK 嚴重），我開頭以為自己唔會喊，但越講越口震，終於......搞到講野走晒音~~~到我分享就冇嘜野，不過當我回應人地 ge 回應個陣，又黎料，因為我覺得自己好衰仔，呀爸入左醫院幾日都冇打過電話問候佢，於是我決定開完組要打比呀爸......後黎到師傅同潘加信分享，佢地分享 ge 歌都較為輕快，所以氣氛舒緩左。做左組長咁耐，終於見到組員流淚個樣（潘加信冇喊，同埋全部女組完都唔得閒，冇番），而我都被 d 男組員見到我成面淚痕個樣 XD 最後祈禱作結，我祈禱個陣成個人輕飄飄咁，唔知係咪聖靈感動呢？

哈！結果我有打到電話比我呀爸，好野！我仲順手 send 左個 SMS 比教我吹笛 ge 呀 sir，問候下佢，叫佢休息多 d 添。聽講佢最近身體唔好，好似話入埋醫院，雖然佢唔係基督徒，不過我都想佢快 d 好番......

神呀！感謝你！