今日冇 Reading Period，變左早會，但冇帶校褸都唔洗記名。
頭兩堂係好無聊 ge Physic，成班無聊 ge 同學照舊各自係到做無聊野......
Maths 堂同中文堂，冇野教，Hea 爆~~~
英文堂做 Reading Text ，頹廢。同王雞一人做一 Part，然後......（自己估下啦 XP）
Bio 堂自修，我地班又點會放過 d 咁寶貴 ge 時間呢？嘻嘻~~~
Chem 堂做實驗，比一埋 Powder 我地，要我地 Test 下佢係嘜黎。
我地個組拎個樣超難 Test，做到成組人 O 晒嘴。呢樣又唔係，個樣又唔係，都唔知點 Test 好......
師傅就唔知搞嘜鬼，將 d waste product 倒錯地方，跟住怕死唔咁同李 sir 講。
放學同呀布、Kai 佬，仲有 華 Dee去左 Hymn Sing，之後幾個傻佬變聲唱歌，又幾得意 bor XD
Hymn Sing完左，無聊過頭，大膽到整劉龍隊長 d 野，種下左禍根~~~
之後比劉珊岐發現左我整佢 d 野，於是搵我尋仇......呀布由於走左，避過左一劫~~~
Yamazaki：係咪你整我 d 野？
我：呀布都有份......
Yamazaki：咁 je 係你整我 d 野啦~~~
我：呀布都有份......
Yamazaki：咁 je 係你整 ga 啦~~~
我：呀布都有份......
突然，劉龍隊長一招「鬼影擒拿手」，捉住左我條呔，然後向後發力一扯，索緊左條呔。但文武雙全 ge 我係唔會就咁就被佢 KO ge，我立即捉緊條呔，向想反方向使勁。佢見技不如我，於是放左手。但係有人向佢耳語左幾句，佢面上表情即刻變左，我睇得出氣氛有異，於是進入戒備狀態。佢慢慢逼近，我逐漸後退。佢欲出手再扯我條呔，但我眼明手快，先發制人，以柔制剛咁撥開左佢隻手，再捉住左佢條頸巾。點知佢突然拎起一支原子筆做武器，見手就刺。銅皮鐵骨 ge 我當然一 d 事都冇啦，於是佢又拎多一支鉛芯筆，雙筆齊出，使出失傳已久，威力無比 ge 「奪命狂插」。中左呢招真係非同小可，於是即刻用「神出鬼沒大法」避開，點知仍然比佢 ge 筆氣所傷......之後佢轉移目標向我 d 財物下手，我誓死保護我 d 野，於是最後得番半條人命......正所謂「不怕魔兵魔將，最怕劉龍隊長」......
補充一點，今日我曾經係小息用過「神出鬼沒大法」，令原本跟住我 ge 呀布跟失左我 XD
大戰之後同華 Dee 去左市中心買野，番屋企個陣撞到趙公雋...... |
