今日翻到學都冇乜野~上到課室就係禁搵膠紙，因為我要貼個張國色天香既揮春.放學我問呀Lok張野靚唔靚，佢話好搞笑.唔知係唔記得得還是真係冇事發生.好似只係記得啲小事，就係嘉輝激嬲娜娜，而娜娜就發我皮氣，係禁<meet>我~搞到我好痛.到左上堂婷同娜娜又企係張椅到，叫我坐係度，望住佢~佢問我係米好辛苦望住佢地，我答係.佢就係度笑，我都啞左.到左上pe堂跑熱身圈，我同李紫賭五蚊睇下邊個快，我地兩條友本來係人群中後段跑到頭五名~跑完之後我地想死，第一次跑到禁盡，考跑都冇禁博.最後都冇人拎到錢，因為我同佢跑和左~但係最搞笑就係，跑個陣我叫啲人行開，賭緊錢.啲人聽到又想加入，但係我只係掛住追佢，因為我被啲人頂住~返到學校拉根個陣，好累.之後就分開C、D班玩閃避球，我地班四連win.落左堂上周會，我地同羅sir講贏左，要佢請飲野~羅sir話邊係班際，我地就話科際囉.係課室傾左陣之後就放學，我本來想係hall底想搵巧儀，但係原來善媛又想搵我，所以我就搵左善媛先，但係再落翻去就已經唔見左巧儀~最後我就同善媛一齊走，一路行一路傾計，突然之間佢話想食糖水，所以我就同左佢去石籬商場食，唔知點解去到糖水舖坐底都仲有野講，但係到一食野，我地就靜曬~唔知係米大家都有野諗、有野煩，定還是碗野好食呢.我本來想請佢食既，但係佢又唔肯~正衰女黎架，一年前名名講過話我要請佢同巧儀食架.