九點幾起左身，跟住訓下醒下禁，諗下翻唔翻學好...最後都翻左，反正係屋企都冇咩搞...翻到去就Lunch，Lunch完就問李sir借左份06past做...做到三點半就上去俾翻份past佢...仲同佢傾左陣計，佢問我呢幾個月有咩搞...我話去旅行同埋搵份工做下禁...傾完之後，行E梯落G9既時候，就有工搵我...伍sir問我有冇興趣教低form maths，60蚊個鐘...<翻到去問過呀媽，呀媽話我自己決定喎>...五點幾就同善媛落太子，搭車時候講既野唔多過十句...係巴士善媛問我做咩，我話冇野...佢又唔知做咩拍我隻腳...又問我做咩個關節位突起，其實我都唔知點解，由細到大都係禁既...之後等埋豐就上左去o個間公司，上去之前等lift既時候就執翻靚個心情先上去，唔通禁既樣對住人咩...之後，行旺角睇模型車，叫埋標標出黎食野...行去食野既時候，見到家姐...好彩今次唔係同女仔行旺角，如果唔係就...............食完野搭車去左尖沙咀，搭船過海，去到皇后碼頭企左陣，行入大會堂...最後就搭翻車翻屋企...翻到去好累，所以就冇打diary，直到今日要打兩篇...
|
