今日一早起身，都有少少唔想番學架，因為今朝戈堂係上機堂，十次有十次都唔會點名既，我同房就冇去啦，不過我都照去上，因為我自己覺得除左番學既時間之外，我都好少會拎起本書睇下。所以我都係照上啦。不過８點上到９點半左右我就走左去啦，食早餐，好出奇，我點解想食早餐既。我自己都唔知點解。ＫＡＫＡ

好啦，上完電腦堂就上高數，高數都係照舊冇咩點瞓，因為數聽少一堂的話，溫一個星期都溫唔番。所以我努上去聽，終於比我最近戈幾堂，全部我都識，番番去以前戈種狀態，唔錯，繼續努力，上完高數就去左食飯啦。

食完飯就番左去宿舍，突然好想玩下單車，就走左過去隔離房問人借黎今晚玩下。

之後下午又係電腦，不過係理論堂，我同房依然都唔去上堂，因為里一堂係十次有八次都唔會點名既，不過我都照去上，因為我講過我要努力向上，好啦，當上到最後一節既時候，個老師突然點名，唉，當我同房唔好彩啦。仲有一樣野，唔知點解覺得好奇怪，就係平時我同我同房都係坐到去最後戈一排戈度聽書架ＭＡ，通常都好少人坐落黎，係都係一Ｄ男仔遲到既就會坐黎後面，不過今次好特別，上左咁耐都未試過，就係坐我旁邊戈Ｄ全部都係女仔喎，我地班得１０個女仔左右，起碼７個坐曬係我旁邊，天呀，今日咩事呀？？？又點名，Ｄ女仔又坐曬係後面。

最後上完堂都已經５點幾啦，去左食飯，食完飯唸住７點幾去玩單車，點知，Ｅ＋坐左係宿舍入面，出面係度落雨，唉，唔通連個天都唔中意我。不過我一定會等既，一定等到佢停雨，再出去。我深信一陣唔會落雨。ＫＡＫＡ

里一部係我問人借既，不過我下個月應該都會自己買部。