唉，今日又係星期二啦，又係一日讀書天。
係琴晚發生左一單大事，仲勁過六國大風相，不過我好似當係兩公婆係度嘈咁，睇睇下都幾搞笑。
好啦，講番今朝啦，一早起身就去左上人生修養，今堂係我地三個人出去講書，心情都一般啦，因為講書都唔係第一次，冇咩好驚，結果順利講完，都唔錯。
不過到第二組既時候，簡直係一個笑話，好似講笑多過講書，ＫＡＫＡ。
之後就去左上英文啦，英文呀，下星期二要考試喎，唉，都唔知點死。不過點都好啦，自己加把勁啦。
中午食完飯之後就番左宿舍，唸住瞓一陣，點知係度寫國文筆記，抄到一點四十五分，之後瞓左幾個字又去左上堂，上國文，一堂好悶既堂。
不過今次既國文堂，我冇瞓過，一Ｄ都唔覺得眼瞓，仲抄左成堂筆記ＴＩＭ，係一個唔錯既開始。ＫＡＫＡ
上完又番左宿舍，我都想瞓架，點知係度做高數功課，原來我都好多野都係未做既，唉，自己真係懶啦。做完都差唔多六點啦。
Ｅ＋坐係度打左里篇野，一陣去食飯，食完飯又要去上堂。仲要上到十點。比心機啦。
| 
