今朝早，唉，瞓到八點先起身，好彩八點戈堂係上機堂，去唔去個呀ＳＩＲ都唔會點理，所以我八點幾先開始去上堂，今日係上機堂都係冇咩野做，係度比我地自己寫下程式咁啦，我就係度試下寫條求根公式出黎，點知，好快就比我搞掂左，都冇咩難度姐，不過我做完既時候睇下其他人，係度寫緊Ｄ好特別的程式，唔知咩黎架呢？
上到九點半左右我就走人啦，番左宿舍拎高數書再坐一陣去番學啦，今堂既高數教重微分，可惜我好似死左一樣，好快就放學啦，去左食飯，食完飯我就番左宿舍瞓覺啦，因為下午戈堂電腦理論我係唔會瞓架，結果瞓到兩點就起身準備番學啦，到左最後，我都冇瞓到，ＫＡＫＡ。
之後上到五點半左右就去左食飯，食完飯仲去左打乒乓球ＴＩＭ，因為今個星期五乒乓球堂有個循環要打，雖然冇咩人識打，不過我都要練番Ｄ手感番黎，如果唔係我體育咪冇１００分，ＫＡＫＡ。打到咁上下，就走左去隔離做下健身，做左半個鐘就番去宿舍沖涼上網，正，明天不用上學去。ＫＡＫＡ
| 
