今朝九點多就已經起身了..起左身又無咩野做..
所以就睇下屋企有冇咩碟好睇啦..搵到一隻...叫做"252--求生訊號"...里一隻碟已經買左好耐架啦..係我家姐買既..不過我覺得個封面唔多好睇咁..
不過今日無野睇就睇下啦....252原來係一個求生的訊號...
好啦...開始睇啦...感覺都唔錯....大概既內容都係講一D大災難..然後又係D救人既內容...不過今次唔同.
我好中意佢入面既情節...當去到一個好悲觀既情況之下...往往都會都有奇蹟出面...里一點我覺得唔錯..
仲有入面其中一個女仔講左一句..好正...就係戈D救生隊既人要求去救人..但係指揮官唔比...最後戈個女仔就講.."你比佢地去啦..我唸佢地唔想比自己後悔"
聽完里一句...我係度唸..雖然佢地知道戈個地方好危險...不過佢地唔想錯過任何一個救人既機會...就算死都想去做自己想做既野.
機會..唔係時時有...做自己想做既野...對得起自己...已經足夠.
我成日都同人講...好多野想做咪去做囉...唔洗唸架MA....多數D人都會講好多野...做左會點會點..我就會講...咁洗唔洗死先??唔洗死...驚咩???
其實我自己做唔做到呢??我會唔會係一個識講唔識做既人呢??後悔...每個都唔想有..唔想有..咁我地可以點做??
最近發生左好多事..係我自己都唔知應該點做..最後我選擇唔理...唔理真係有用??不過我理又可以點...根本可能改變唔到D咩野...唉...天呀...我應該點呀??...==
自己都已經22歲了...好似冇咩成就咁..讀書又讀得半桶水...我將來會係點呢?將來的成果是今天種下的....
我成日想戈樣又想戈樣...想..有用咩??想都要做先得架....你去死啦...嚴少暉.....發覺你真係冇鬼用架....==
估唔到睇完里套電影令我想講里一D說話.....可能我覺得...每個人都應該要搵到自己生活的目標...其實我自己的目標是什麼呢??
你們的目標又是什麼呢??
一生何求?
-----------------------------------------------------------------------------
介紹比大家睇下
| 
