今朝１０點起左身，準備番暨大。
係大陸食完野就番去啦，番到去宿舍上左一陣網就瞓一陣，瞓到兩點起身準備番英文，明天就要考英文啦，一陣都要去溫下啦。（不過都係Ｄ冇得溫既野，閱讀理解）
上完堂就番左宿舍，上左一陣網又走左去瞓，六點就去左食飯啦，食完飯坐左係宿舍，冇野做，就咁坐左係度，坐左半個鐘就走左去睇人打乒乓球，睇睇下比我見到一個勁人，不過都唔係太勁，比起海星打開戈Ｄ，佢算係差，我都冇咩點認真就ＷＩＮ左啦，重點係，我唔係用我塊板都ＷＩＮ左，如果我用我塊板，佢一早就輸啦。ＫＡＫＡ
打左一陣就去左旁邊戈度做下健身，為左件制服，一定要大隻，ＫＡＫＡ。做左大半個鐘就走左出去跑步，跑左陣就番去宿舍沖涼，打里篇野，打完就開始我既溫習晚上。
比心機。
昨天因為下大雨的關係，集會取消左，係戈一刻覺得，唉，冇得番集會，里個朝早有咩做呢？？
不過算啦，休息一下，做下自己野都係一件好事。一日就咁過去啦，而晚上，聽到奇哥佢地去左食野，我又幾想去戈個潑水節喎，所以打左比佢地，之後就去左漁人碼頭，點知，都冇咩野好聽，好悶，之後就走左入去入面，係度影左Ｄ相，都影得唔錯架，之後去左打機，到左最後，跳戈個跳舞機，跳到唔捨得走，ＫＡＫＡ。
好啦，而今日就係去左總會做先鋒......(閱讀全文)
今日朝早有堂離散，所以７點幾就起左身，去左上堂，今堂都ＯＫ既，都聽得明佢講咩。特別係最尾戈句，＂今日下午戈堂離散不用上啦。＂嘩，正，唔洗上。
上完離散之後就去左上體育堂，今日體育堂係打循環，係班上面排名次，男仔分左四組，我係Ｂ組，結果對四個人，四個我都ＷＩＮ曬，仲係四局都以局數２：０ＷＩＮ ＴＩＭ，ＷＩＮ曬當然係戈組出線啦，不過有樣野好搞笑，就係打最尾戈局既時候，戈個野都識打既，打完，我ＷＩＮ左，佢......(閱讀全文)
相信大家都知道本人今日係冇堂架，爽，所以今日１０點左右先起身，起左身係度上網睇下電視。
睇到咁上下我就去左食飯啦，食完飯，我同房提出我上個星期想做既野，就係去唱Ｋ啦，仲要係唔洗錢架ＴＩＭ，正。
之後係宿舍上網上到兩點左右就去左唱Ｋ啦，去到戈度，好多房，多到成個迷宮一樣，我地四個人要左間細房，都ＯＫ大，好似平時澳門Ｄ房咁。
佢仲有Ｄ叫ＶＩＰ，我走過去睇左一眼，真係好大好大，而且唔係好貴架咋，戈Ｄ房唔係用電......(閱讀全文)
今朝早，唉，瞓到八點先起身，好彩八點戈堂係上機堂，去唔去個呀ＳＩＲ都唔會點理，所以我八點幾先開始去上堂，今日係上機堂都係冇咩野做，係度比我地自己寫下程式咁啦，我就係度試下寫條求根公式出黎，點知，好快就比我搞掂左，都冇咩難度姐，不過我做完既時候睇下其他人，係度寫緊Ｄ好特別的程式，唔知咩黎架呢？
上到九點半左右我就走人啦，番左宿舍拎高數書再坐一陣去番學啦，今堂既高數教重微分，可惜我好似死左一樣，好快就放......(閱讀全文)
